اعىمداعى جىل باستالعالى بەرى قازاقستاندىق شەنەۋنىكتەر ەل بيۋدجەتىنە 3،6 ملرد تەڭگە شىعىن كەلتىرگەن، - دەپ حابارلايدى Qamshy.kz. بۇل تۋرالى استاناداعى وقك الاڭىندا جەمقورلىققا قارسى كۇرەس ۇلتتىق بيۋروسىنىڭ دەپارتامەنت باسشىسى ەسقالي سالاماتوۆ مالىمدەدى.

"جىل باسىنان بەرى جەمقورلىققا قارسى قىزمەتتىڭ سوتقا دەيىنگى تەرگەۋ تىزىمىنە 1097 ءىس تىركەلگەن، ولاردىڭ 87 پايىزى جەمقورلىق بابىنا قاتىستى قىلمىستار. زاڭسىزدىقتاردىڭ كوبىسى (38%) پارا الۋ رەتىندە ورىن العان. سونداي-اق، قىزمەتىن اسىرا پايدالانۋ (4%) جانە جالعان قۇجات ازىرلەۋ (12%) سىندى قۇقىق بۇزۋشىلىق تۇرلەرى دە از ەمەس. جەمقورلىق قىلمىسى بويىنشا ەل قازىناسىنا بارلىعى 3،6 ملرد تەڭگە شىعىن كەلگەن. ولاردىڭ 2 ميلليارد تەڭگەسى كەرى قايتارىلدى.

سونىمەن قاتار، شىعىننىڭ ورنىن جابۋ ءۇشىن جاۋاپتى تۇلعالاردىڭ 2،4 ملرد تەڭگەگە باعالانعان مۇلىكتەرىنە بۇعات قويىلدى" دەدى ە.سالاماتوۆ جۋرناليستەرمەن بولعان كەزدەسۋ بارىسىندا.

ونىڭ ايتۋىنشا، قازاقستان الەمدەگى ەڭ جەمقور ەلدەردىڭ تىزىمىنەن ءالى دە بولسا شىعا الار ەمەس. Transparensy رەيتينگى بويىنشا بيىل ەلىمىز 123-ورىندى يەلەنسە، بىلتىر 126-ساتىدا بولعان.