ماڭعىستاۋ وبلىستىق ءىىد اقتاۋدا ءوتتى دەلىنگەن ميتينگتىڭ ۆيدەوسىن تاراتىپ، ارانداتۋشىلىقپەن اينالىسقانداردى ىزدەستىرىپ جاتىر، - دەپ حابارلايدى Qamshy.kz Tengrinews.kz  - كە سىلتەمە جاساپ.

ماڭعىستاۋ وبلىسىندا ءوتتى دەلىنىپ، انونيم قولدانۋشىلاردىڭ جەلىگە جۇكتەگەن ۆيدەوسىنا قاتىستى ماڭعىستاۋ وبلىستىق ءىىد مالىمدەمە جاسادى.

«بۇل مالىمەت شىندىققا جاناسپايدى. وبلىستا جەدەل جاعداي تۇراقتى. قۇقىق قورعاۋ ورگاندارى ءتارتىپتى قامتاماسىز ەتۋ بويىنشا شارالاردى شتات رەجيمىندە جۇزەگە اسىرىپ جاتىر. بۇل ۆيدەو تەكسەرىلىپ جاتىر. ارانداتۋشىلىق كونتەنتتى ۇيىمداستىرىپ، تاراتۋشى تۇلعالاردى انىقتاۋ بويىنشا جۇمىستار ءجۇرىپ جاتىر. قازىرگى زاڭناماعا سايكەس، جالعان مالىمەت تاراتۋعا قىلمىستىق جاۋاپكەرشىلىك قاراستىرىلعاني، - دەلىنگەن حابارلامادا.

ال، ماڭعىستاۋدا بولدى دەگەن ۆيدەوداعى كورىنىستەرگە ۇقسايتىن وقيعا 2015 جىلدىڭ اقپان ايىندا وقو سارىاعاش اۋدانىندا ورىن العان قاقتىعىس كەزىندە تۇسىرىلگەن بولاتىن.