جاڭادان سايلانعان ءماجىلىس دەپۋتاتتارىنىڭ قوناق ۇيىنەن ارتىلعان 40 ميلليون تەڭگەنىڭ قازىناعا قايتارىلعان-قايتارىلماعانى ءبىر اپتا وتسە دە، بەلگىسىز. ءتىپتى بيۋدجەتتىڭ جۇمسالۋىن باقىلايتىن باس ورگاننىڭ ءوزى اقشانىڭ قايدا ەكەنىن بىلمەيتىن بولىپ شىقتى، - دەپ حابارلايدى Qamshy.kz 31-ارناعا سىلتەمە جاساپ.

ەسەپ كوميتەتى ادەتتە "پرەزيدەنتكە تىكەلەي باعىنىپ، ەسەپ بەرەتىن ءبىز" دەپ ءجيى باس كوتەرەتىن. ءبىراق بۇگىن كوميتەت ءتوراعاسى قوزى-كورپەش جاڭبىرشين ماجىلىسمەندەردىڭ ەليت كلاستى قوناقۇيدەگى كۇندەرى ءۇشىن مەملەكەت شىعىندالعان 40 ميلليوننىڭ قايتقان-قايتپاعانىن بىلمەيتىن بولىپ شىقتى.

قوزى-كورپەش جاڭبىرشين، رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتوراعاسى:

- يا گوۆوريۋ، يا تاكيە ۆەششي كوممەنتيروۆات نە موگۋ پوتومۋ چتو منە پودروبنوستي نە يزۆەستنى.

30 دەپۋتات 15 كۇندە ەل بيۋدجەتىنىڭ 8 ميلليونىن جۇمساپ، «پەكين پالاستا» جاتىپ قايتقانىن بىلەسىزدەر. ءبىراق اۋەل باستا بۇل «جايلىلىق» ءۇشىن مەملەكەت 8 ميلليون ەمەس، 51 ميلليون تەڭگە بەرگەن. مۇنى ب ا ق جارىسا جازعان بەتتە، پارلامەنت شارۋاشىلىعى 43 ميلليوندى قايتاراتىنىن ايتىپ اقتالعان. الايدا شىعىن ەسەبىنسىز قارجىنىڭ قازىنادان ءبولىنىپ كەتكەنىنەن قۇزىرەتتى ورگاندار ەش ابەستىك كورمەيدى.  

- مى كاك ۋپولنوموچەننىي ورگان نە ۆيديم نيچەگو پروتيۆوزاكوننوگو.

جاڭادان قۇرىلعان مەملەكەتتىك قىزمەت ىستەر مينيسترلىگى پارلامەنتتىڭ «ساتىپ-الۋىنان» «شيكىلىك» كورمەگەنىمەن، وزگە شەنەۋنىكتەر اراسىندا تەندەردەن جەگەندەر جەتەدى دەپ وتىر. ال جالپى جىل باسىنان بەرى 3،6 ميلليارد تەڭگەنى جەدى دەگەن شەنەۋنىكتەرگە ۇكىم شىققان. مىڭنان استام قىلمىستىق ءىس بويىنشا بيۋدجەت كورگەن شىعىننىڭ جارتىسى عانا قايتارىلىپتى. ال قازاقستان جەمقور ەلدەر اراسىندا 123 ورىندى الىپ تۇر.