مارقۇم باتىرحان شۇكەنوۆتىڭ ايەلى ەكاتەرينا شەلياكوۆا 14 جاستاعى ۇلى ماقسۇتپەن دالادا قالعانىن حابارلاۋدا، - دەپ جازادى Qamshy.kz پورتالى  dni.ru سايتىنا سىلتەمە جاساپ.

شۇكەنوۆتىڭ جارى ءۇشىن جالعىز ءۇمىت - ءانشىنىڭ اۆتورلىق اقىسىنا كۇن كورۋ. ەكاتەرينا باتىرحاننىڭ اناسى ينتەللەكتۋالدىق مۇلىككە قۇقىقتىڭ جارتىسىنان باس تارتۋعا دايىن ەكەنىن، الايدا نوتاريۋستا قاجەتتى قۇجاتقا ءالى كۇنگە دەيىن قول قويىلماعانىن العا تارتتى.

شەلياكوۆا شۇكەنوۆتىڭ وتباسى ونىڭ زاڭگەرىمەن كەزدەسۋگە اسىقپايتىنىنا شاعىمداندى.

"سونىڭ سالدارىنان ءبىز رەسەيلىك اۆتورلىق قوعام مەن رەسەيلىك قۇقىق يەلەرى وداعىنان اقشا الا الماي وتىرمىز. ول جەرگە مۇراعا قۇقىمىز بار ەكەنىن راستايتىن قۇجات الىپ بارۋ كەرەك"، - دەيدى ەكاتەرينا.

ەكاتەرينا شەلياكوۆانىڭ شۇكەنوۆتىڭ اقش-تاعى ۇلى ءۇشىن سالىپ باستاعان ءۇيىن نەسيەسى تولەنبەي قالعاننان كەيىن تارتىپ العانىن ايتادى. ال ءانشىنىڭ ءمايىتى تابىلعان ماسكەۋدەگى ءبىر بولمەلى پاتەر جالعا الىنعان ەكەن.

پودموسكوۆەدە ءانشىنىڭ جەرى بار دەگەن اڭگىمە دە جالعان.

ءانشىنىڭ قازاسىنان كەيىن ەكاتەرينا فلوريداداعى ءۇي ءۇشىن قۇرىلىس كومپانياسىمەن سوتتاسقان.

"ۆالەراعا العىسىم شەكسىز. ول قاشان دا بىزگە حابارلاسۋعا ۋاقىت تابادى. باتىردىڭ دوسى قانات ۇسكەنوۆ تە جاقسى كومەكتەسەدى"، - ءانشىنىڭ دوستارى العىس ءبىلدىردى ايەلى.

"باتىر نەسيەنىڭ تەك 160 مىڭ دوللارىن تولەپ ۇلگەردى. ال قالعان 460 مىڭ دوللار كاتيانىڭ موينىنا ءىلىندى. ول ونداي اقشا تابا المادى، جەر مەن كوتتەدجدى تارتىپ الدى. ايتەۋىر سوت ارقىلى قۇيىلعان قاراجاتتىڭ جارتىسىن قايتارا الدى"، - دەيدى ءارتىستىڭ جاقىن دوسى ولجاس بايقانوۆ.

2015 جىلدىڭ جازىندا قازاقستاندا باتىرحان شۇكەنوۆتىڭ اتىنداعى قور قۇرىلىپ، استانا مەن ماسكەۋدە قايىرىمدىلىق كونسەرتتەرى دە ۇيىمداستىرىلعان بولاتىن.

StarHit باسىلىمىنا بەرگەن سۇحباتىندا ەكاتەرينا كونسەرتكە قاتىسقان قازاقستاندىق جانە رەسەيلىك ارتىستەرگە العىسىن ءبىلدىردى.

"ەندى ءبىز وزىمىزگە جاڭا بۇرىش تابا الامىز. "پۋست گوۆوريات" باعدارالاماسىنا دا راحمەت، ولاردىڭ حابارىنان كەيىن قورعا قاراجات تۇسە باستادى"، – دەيدى شەلياكوۆا.

ول جاقىندا مامىر ايىنىڭ باسىندا قۇربىسىنىڭ ۇيىنەن باسقا پاتەرگە كوشۋگە ۇمىتتەنىپ ءجۇر.

ەكاتەرينا مەن ۇلى ماقسۇت باتىردىڭ ومىردەن قايتقانىنا ءالى دە سەنبەيدى، ول تەك گاسترولدىك ساپاردا جۇرگەندەي كۇي كەشەمىز دەيدى.

ەستەرىڭىزگە سالا كەتەيىك، ءانشى باتىرحان شۇكەنوۆ 2015 جىلدىڭ 28 ساۋىرىندە جۇرەك تالماسىنان قايتىس بولعان.