لاۋرا سەيىتبەكوۆا «قايرات نۇرتاس مادەنيەت مينيسترلىگىنىڭ ۆيسە-مينيسترى بولىپ تاعايىندالدى» دەگەن حاباردىڭ فەيك ەكەنىن جەتكىزدى. سونداي-اق ءانشىنىڭ ديرەكتورى ەگەر Nur.kz سايتى وسىنداي وسەك-اقپارلارىن دوعارماسا قۇزىرلى ورگاندارعا شاعىمداناتىنىن جەتكىزدى، - دەپ حابارلايدى Qamshy.kz پورتالى.

بۇل تۋرالى ءانشىنىڭ ديرەكتورى الەۋمەتتىك پاراقشالارىندا جازىپ، اتالمىش ساتقا ەسكەرتۋ دە جاسادى. ال وقىرمانعا جالعان اقپاراتتىڭ قالاي تاراعانىن ءتۇسىندىردى.

«اقپارات تاراپ، الەۋمەتتىك جەلىلەردە تالقىلانىپ كەتكەننەن كەيىن عانا Nur.kz سايتىنىڭ جۋرناليستەرى حابارلاستى. «بۇل اقپارات راس پا؟» دەپ سۇرادى. مەن «قىزدار، سىزدەر تىم كەش زۆونداپ تۇرعان جوقسىڭدار ما؟ سىزدەر تاراتقان اقپاراتتارىڭىزعا سەنىمدى بولدىڭىزدار ما؟» دەپ سۇرادىم. سوندا بارىپ ولار «بۇل قالجىڭ با نە؟» دەيدى. «بىلمەيمىن، كەرىسىنشە مەن سىزدەردەن سۇرايمىن، مۇنداي اقپاراتتى قايدان الىپ تاراتىپ جۇرىزدەر؟ اقپارتتى تاراتپاستان بۇرىن تەكسەرىپ المادىڭىزدار ما؟» دەگەنىمە ولار الدەكىمنىڭ الەۋمەتتىك جەلى پاراقشاسىندا جازعانىن ايتتى. «جاقسى. سىزدەر ءبىرىنشى زۆونداپ، اقپاراتتى تەكسەرىپ بارىپ، سايتتارىڭىزعا جازبايسىزدار ما؟» دەدىم مەن. جوق، ولار ءبىرىنشى اقپارتتى تاراتىپ، سوسىن بارىپ سۇرايدى ءجون-جوسىعىن»، - دەيدى قايرات نۇرتاستىڭ ديرەكتورى لاۋرا سەيىتبەكوۆا.

لاۋرا سەيىتبەكوۆا «قايرات نۇرتاس ق ر مادەنيەت جانە سپورت مينيسترلىگىنىڭ ۆيسە-مينيسترى بولدى» دەگەن اقپاراتتى تاراتقان Nur.kz سايتىنىڭ جۋرنالسيتەرى وزدەرىنىڭ كاسىبي ەمەستىگىن كورسەتتى جانە ق ر ب ا ق تۋرالى زاڭىن بۇزدى دەپ ەسەپتەيدى.  سونداي-اق، سەيىتبەكوۆا سايت جۋرناليستەرى جالعان اقپاراتىمەن ءانشى قايرات نۇرتاستىڭ يميدجىنە زالال كەلتىردى دەپ سانايدى. ونىڭ ايتۋىنشا بۇدان دا وزگە ماسەلەلەرمەن سايت اكىمشىلىگىمەن بىرنەشە قاقتىعىستار تۋىنداعان. قوعامدىق پىكىرتالاس تۋدىرعان ماتەريال وشىرىلگەنىمەن، ءانشىنىڭ ديرەكتورى اتالمىش پورتالدى سوڭعى رەت كەشىرەتىنىن جەتكىزدى.

«ەگەر وسىنداي جاعداي قايتالاناتىن بولسا، ءبىز ەسكەرتىپ جاتپايمىز، بىردەن پوليسياعا شاعىمداناتىن بولامىز. ءبىز ولارعا زاڭ مەن جۋرناليستىك ەتيكانى ساقتاۋىن تالاپ ەتەمىز. مەن الگى سايت جۋرناليستەرىنە جۇرتقا جالعان اقپارات، وسەك-اياڭ تاراتپاۋعا كەڭەس بەرەمىن»، - دەيدى قايرات نۇرتاستىڭ ديرەكتورى.

ەستەرىڭىەزگە سالا كەتەيىك، كەشە 28 ساۋىردە Nur.kz  پورتالى «قايرات نۇرتاس ق ر مادەنيەت جانە سپورت مينيسترلىگىنىڭ ۆيسە-مينيسترى بولىپ تاعايىندالدى» دەگەن اقپارات تاراتقان بولاتىن.

ق ر مادەنيەت جانە سپورت ءمينيسترى ارىستانبەك مۇحامەدي ۇلى قايرات نۇرتاستىڭ ۆيسە-مينيستر بولىپ تاعايىندالۋى تۋرالى اقپاراتتى جوققا شىعارعان بولاتىن.

"ارنايى تالاپتار، تارتىپتەر بار. جاڭا زاڭنامادا وتە قاتاڭ تالاپتار بەلگىلەندى. مىسالى، سىزدەر جۋرناليست بولىپ جۇمىس ىستەيسىزدەر، كەيىن ءبولىم مەڭگەرۋشىسى، ودان كەيىن جەتەكشى، باسقارما ءتوراعاسى بولاسىزدار. بارلىعىمىز وسى جولدان وتتىك. وسىلاردىڭ بارىنەن ءوتۋ كەرەك"، - دەپ پىكىر بىلدىرگەن مينيستر.