ەسىمى ەلگە تانىلىپ قالعان ازىلكەش تۇرسىنبەك قاباتوۆتىڭ الماتىدا 9 مامىرعا جوسپارلانعان ءازىل-سىقاق كەشى جەر ساۋداسىنا قاتىستى رەسپۋبليكا بويىنشا نارازىلىق ميتينگ جوسپارلانعان كۇنگە اۋىستىرىلدى، - دەپ حابارلايدى Qamshy.kz.
رەسپۋبليكا سارايىندا وتەدى دەلىنگەن كونسەرتتىك باعدارلاما 21 مامىرعا اۋىستىرىلعان. ت. قاباتوۆتىڭ بيلەت مەنەدجەرى قارلىعاش قوجانوۆا Qamshy.kz تىلشىسىنە بۇل وزگرىستى سوعىس ارداگەرلەرى ۇيىمدارىنىڭ ءوتىنىش بەرۋىمەن ءتۇسىندىردى.
«كونسەرت ۇيىمداستىرۋشىلارىنا ارداگەرلەر ۇيىمى جەڭىس كۇنىندە ءازىل-وسپاق باعدارلاماسىن قويماۋدى سۇراپ، ءوتىنىش جاساعان. سوعان بايلانىستى، كونسەرت ۋاقىتى كەيىنگە قالدىرىلىپ وتىر. وسىعان دەيىن بيلەت الىپ قويعان كورەرمەندەر بولسا، سول بيلەتتەرىمەن 21 مامىر كۇنگى كونسەرتكە كەلە الادى»، - دەيدى ق. قوجانوۆا.
