كەشە جەر رەفورماسى جونىندەگى كوميسسيانىڭ جينالىسىنا قاتىسقان ايتىسكەرلەر قاۋىمداستىعىنىڭ ءتوراعاسى ءجۇرسىن ەرمان اعامىز جيىن ۇستىندە سوڭعى ۋاقىتتا جوسپارلانعان ءۇش ايتىستىڭ بيلىك تاراپىنان شەكتەۋ قويىلىپ، وتكىزىلمەي قالعانىن مالىمدەدى، - دەپ جازدى ماقسات ءىلياس ۇلى فەيسبۋك پاراقشاسىندا.
قازاقتىڭ قۇدىرەتتى ونەرىن، شىندىق الاڭىن شوۋعا اينالدىرماق بولعان بيلىك، بيلىكتىڭ «نۇر وتان» پارتياسى ەندى ايتىس ونەرىنە مۇلدە تيىم سالعىسى كەلىپ وتىرعان سياقتى.
قاي زاماندا دا، قاي عاسىردا دا، قانداي جاعدايدا دا حانى دا، قاراسى دا اقىننىڭ اۋزىن جاپپاعان ەدى. بۇگىنگى بيلىك قازاقتىڭ ۇلتتىق ونەرىن ولتىرۋگە بارىن سالىپ جاتىر.
جيىن كەزىندە مۇنى ەستىگەن دوس كوشىم اشۋعا ءمىنىپ، ايتىسقا شەكتەۋ قويعانداردى جاۋاپقا تارتۋدى تالاپ ەتتى.
