ەندى ۇلتتىق ءبىرىڭعاي تەستىلەۋدەن شەكتى 50 بالل جيناي الماعان وقۋشىلار تامىز ايىندا كەشەندى تەستىلەۋدى اقىلى تۇردە قايتا تاپسىرۋ مۇمكىندىگىنە يە بولادى، دەپ حابارلايدى Qamshy.kz 24.kz – كە ىلتەمە جاساپ.

بۇل جاڭاشىلدىق مەكتەپ بىتىرۋشىلەردىڭ جوعارعى وقۋ ورنىنا ءتۇسۋ مۇمكىندىگىن جوعارىلاتۋعا باعىتتالعان. ال جالپى جۇيەگە وزگەرىس ەنبەيدى. بۇل تۋرالى بۇگىن ءبىلىم جانە عىلىم سالاسىنداعى باقىلاۋ كوميتەتىنىڭ ءتوراعاسى سايات نيۋسۋپوۆ مالىمدەدى.

جالپى تالاپكەرلەردىڭ ءبىلىم دەڭگەيىن انىقتايتىن تەست رەسپۋبليكا كولەمىندە 166 ورتالىقتا 2-15 ماۋسىمدا وتەدى. ءقازىر بارلىق پۋنكتەردە كوميسسيا قۇرىلعان. بيىل ەلىمىز بويىنشا ورتا مەكتەپتى 121 مىڭ وقۋشى ءتامامدايدى. ولاردىڭ 83 مىڭى – قازاق، ال قالعانى – ورىس تىلىندە بىتىرەتىن تۇلەكتەر.

سايات نيۋسۋپوۆ، ق ر بعم ءبىلىم جانە عىلىم سالاسىنداعى باقىلاۋ كوميتەتىنىڭ ءتوراعاسى:

- قايتا تاپسىرۋ تەستىلەرى اقىلى بولادى. ونىڭ باعاسى – 2242 تەڭگە. ءبىراق ول ءبىزدىڭ مەكتەپ بىتىرۋشىلەرگە اقىلى جوعارى وقۋ ورىندارىنا تۇسۋگە مۇمكىندىك بەرەدى.  ق ر بعم وكىلدەرىنىڭ قاتىسۋىمەن وتكەن وكق بريفينگىنىڭ تولىق نۇسقاسىن وسى سىلتەمە ارقىلى كورە الاسىزدار.