امەريكالىق Vogue ەڭ ءساندى قازاقستاندىقتار مەن ولاردىڭ Instagram الەۋمەتتىك جەلىسىندەگى اككاۋنتتارى تۋرالى جازدى. باسىلىم قازاقستانداعى ءسان يندۋسترياسى اقىرىن دا بولسا، العا جىلجىپ كەلە جاتقانىن ءسوز ەتەدى ،- دەپ جازادى juldizdar.kz.

Buro 24/7 قازاقستاندىق سايتىنىڭ نەگىزىن قالاۋشى، قازاقستان پرەمەر-مينيسترىنىڭ ءبىرىنشى ورىنباسارى باقىتجان ساعىنتايەۆتىڭ قىزى مەرۋەرت يبراگيم ماقالا اۆتورىنىڭ نازارىنا كەز-كەلگەن الەمدىك ءسان اپتالىعىندا كوزگە تۇسەتىنىمەن ىلىككەن.

“ەگەر قازاقتار ءسان اپتالىقتارىنداعى ءبىرىنشى قاتارعا جايعاسسا، وندا ول تەك مەرۋەرت يبراگيم عانا بولۋى مۇمكىن”، – دەپ جازادى اۆتور.

ول سونداي-اق قازاقستان پرەمەر-مينيسترىنىڭ ءبىرىنشى ورىنباسارى باقىتجان ساعىنتايەۆتىڭ قىزىنىڭ گاردەروبى ماقتانۋعا تۇرارلىق سەبەپ ەكەنىن اتاپ ءوتتى.

اتالعان ماقالادا سونداي-اق ءساندى رەداكتور انيتا اكيشيەۆا، فوتوگراف يان رەي، بايەر ليليا راح، ءسان اپتالىعىنىڭ ۇيىمداستىرۋشىسى جانەل بەرتايەۆا، مودەل الەنا سۋببوتينا ەنگەن.

ماقالا اۆتورى ليانا شاتەنشتەين (Liana Satenstein) وقىرماندارىنىڭ كوبى قازاقستاننىڭ قانداي ەل جانە قايدا ورنالاسقانىن بىلمەيتىن دە شىعار دەگەن پىكىرىن بىلدىرەدى. ءبىراق جاقىن ارادا بارلىق الەم جاس مەملەكەتتىڭ ءسان الەمى مەن ديزاينەرلەرىنىڭ تۋىندىلارىمەن تانىسا الادى دەگەن ءۇمىتىن ايتادى.

شاتەنشتەين قازاقستاننىڭ ورتالىق ازياداعى بايلىق پەن ءال-اۋقات شوعىرلانعان وراسان ۇلكەن پوستكەڭەستىك مەملەكەت ەكەنىن اتاپ وتكەن.