بلوگەر جەر كوميسسياسى جۇمىسىنا ب ا ق وكىلدەرىن قاتىستىرماۋدى ۇسىندى، - دەپ حابارلايدى Qamshy.kz. 

جۋرناليست-بلوگەر ازامات بيتان  فەيسبۋك پاراقشاسىندا جەر كوميسسياسى جۇمىسىنا قاتىستى ۇسىنىس ايتتى. 

"مەنىڭ جەكە پىكىرىم، الداعى وتەتىن جەر رەفورماسىنا قاتىستى وتىرىستار بۇدان بىلاي ب ا ق وكىلدەرىنىڭ قاتىسۋىنسىز وتكەنى ءجون. ءبىراق ءوزارا تالقىلاۋلار اياقتالعان سوڭ كوميسسيا مۇشەلەرى جيىننىڭ جۇمىس قورىتىندىسىن جۋرناليستەرمەن ءبولىسىپ، ساۋالدارىنا جاۋاپ بەرگەنىن قۇپتايمىن. ايتپەسە بۇل بەلگىلى ءبىر مەرەكەلىك شارانىڭ دايىندىعى نەمەسە ەرمەگيايەۆتىڭ سوتى ەمەس. قۇپيالىلىق، مەملەكەتتىك قاۋىپسىزدىك جاعدايلارىن دا ۇمىتپاعان ءجون. جۋرناليستەردىڭ دە جۇمىسى ەداۋىر جەڭىلدەيدى. ءارى كەي قاتىسۋشىلار بوس پوپۋليزمگە ۇرىنباس ەدى...
P.S. جاقسىلىق ۇشكەمپىروۆ اعامىزدىڭ تىرناعىنا تاتىمايتىن "ديۆانبايلار" جۇلمالانعان اقپاراتقا تويىپ الىپ، ۇستەرىندە كىر-كىر مايكى، بۇتتارىندا تىزەسى شىققان تريكو، بالكونعا شىعىپ الىپ ءتۇنى بويى كەۋدەلەرىن ۇرعىلاپتى... مىرس ەتتىم دە قويدىم" دەگەن جازباسىندا.