الماتى وبلىسىنىڭ 24 جاستاعى تۇرعىنى اناسىمەن جاستى ساتۋشىنى 48 جەردەن پىشاقتاپ كەتتى، - دەپ حابارلايدى Qamshy.kz قالالىق ءىىد باسپا ءسوز قىزمەتىنە سىلتەمە جاساپ.

51 جاستاعى ايەل ءقازىر اۋىر حالدە اۋرۋحانادا جاتىر. دارىگەرلەر ونىڭ ءومىرىن اراشالاپ قالۋ ءۇشىن بارىن سالۋدا.

24 جاستاعى جىگىت بوكەيحانوۆ كوشەسىندەگى كىشىگىرىم دۇكەندەردىڭ ءبىرىن توناماق بولادى. تۇسكى 14.00 شاماسىندا  ول 51 جاستاعى ساتۋشىنى سوققىعا جىعىپ، 48 جەرىنەن پىشاق سالعان.

«ساتۋشى ەسىنەن تانىپ قالعان كەزدە، توناۋشى كاسساداعى 9 مىڭ تەڭگەنى الىپ تايىپ تۇرعان. ىزدەستىرۋ توبى كۇدىكتىنى ءىزىن سۋىتپاي ۇستادى. ول الماتى وبلىسى ىلە اۋدانىنىڭ تۇرعىنى بولىپ شىقتى. قۇرىقتاۋ وپەراسياسى بارىسىندا ونىڭ قالتاسىنان سۋىق قارۋ  پىشاق تابىلدى. ول زاتتىق ايعاق رەتىندە ىسكە تىركەلدى»، - دەدى جەتىسۋ اۋداندىق ءىىب باسشىسىنىڭ ورىنباسارى داۋلەت سامبەتوۆ.

ءقازىر كۇدىكتىگە قاتىستى ق ر قك 192-بابىنىڭ 2-بولىمىمەن قىلمىستىق ءىس قوزعالدى.