فەيسبۋك، ينستاگرام، ۆكونتاكتە بولسىن، جەر تۋرالى جازىلعان ءار پىكىر، كوممەنتارييدى بيلىك وقىپ وتىر. جانە مۇنداعى ۇسىنىستار نازارعا الىنادى. كەشە كوميسسيانىڭ العاشقى جۇمىس قورىتىندىسىن جاريا ەتۋگە كەلگەن ۆيسە-پرەمەر باقىتجان ساعىنتايەۆ وسىلاي دەدى، - دەپ حابارلايدى Qamshy.kz 31 ارناعا سىلتەمە جاساپ.
ولار رەفورما تۋرالى ايتۋ ءۇشىن استانا مەن الماتىعا كەلۋدىڭ قاجەتى جوق دەپ وتىر. سەبەبى، كوميسسياداعى 70-تەن استام ادام جارتى ايدان كەيىن جەر-جەردى ارالاپ، تۇسىندىرۋگە وزدەرى شىقپاق ەكەن.
تۇسكە دەيىن تىنىش وتىرعان ۇكىمەت، تابان استى «جەر كوميسسياسىنىڭ» جۇمىسىمەن تانىستىرامىز دەپ جۋرناليستەردى جيناپ الدى. ۆيسە-مينيستر باقىتجان ساعىنتايەۆ، اۋىلشارۋاشىلىعىنا ەندى كەلگەن اسقار مىرزاحمەتوۆ پەن «نۇر وتان» پارتياسى ءتوراعاسىنىڭ ءبىرىنشى ورىنباسارى مۇحتار قۇلمۇحاممەد نەبارى جارتى ساعاتتا بايانداما جاساپ، كۇيىپ تۇرعان تاقىرىپتى بىرگە تالقىلاۋعا شاقىردى.
باقىتجان ساعىنتايەۆ، ق ر پرەمەر-مينيسترىنىڭ ءبىرىنشى ورىنباسارى:
- الەۋمەتتىك جەلىلەردەگى ب ا ق باسىلىپ، شىعارىلىپ جاتقان ۇسىنىستاردىڭ بارلىعى قارالىپ جاتىر. جەر ءۇشىن شىنىمەن جانى اۋىراتىن ادامداردىڭ بارلىعى دا ءوز ءسوزىن ايتۋى كەرەك، سوندىقتان بارشالارىڭىزدى وسى تۇرعىدا بەلسەندى تۇردە تالقىلاۋعا قاتىسۋعا شاقىرامىن.
«1434» - بۇل جەر تۋرالى ساۋالى بارلاردىڭ بارلىعىنا حابارلاسۋعا بولاتىن كول ورتالىق ءنومىرى. ازىرگە مۇندا 700 قوڭىراۋ تۇسكەن. «جەرتۋرالى» سايتىندا 30 ادام پىكىر قالدىرىپتى. قىزىعى... حابارلاسۋشىلاردى ءتىپتى باسقا تۇيتكىلدەر مازالايدى دەپ وتىر مينيستر.
اسقار مىرزاحمەتوۆ، ق ر اۋىل شارۋاشىلىعى ءمينيسترى:
- 90 پايىزى شەتەلدىكتەرگە جەردى جالعا بەرۋ، ساتۋ ەمەس، ءتىپتى بولەك، ءوزىنىڭ جەردى پايدالانۋىنا قاتىستى تۋىنداپ وتىرعان سۇراقتار. شەتەلدىكتەرگە قاتىستى بىرەن-ساران سۇراقتار كەلدى. كوبىنە تۇرعىن جەردە تۇرعىن ءۇي سالۋ ماسەلەلەرىن شەشۋ، جالعا العان جەرلەردى كەپىلدىككە قويىپ نەسيە الۋ ماسەلەلەرى بار.
جەردى ساتۋدىڭ جاعىمدى جاقتارىن تىزگەن مينيستر: بانكتەرگە جەردى كەپىل ەتكەن كەزدە جالداعى جەرلەردى باعالاۋ قۇنى تومەن دەدى. جانە ءقازىر جەكەدە جەرى بارلار «تەلىمدەردى قايتا ساتىپ الامىز با» دەپ الاڭداۋلى ەكەن. ال باس پارتياعا ەندى كەلگەن مۇحتار قۇل-مۇحاممەد جۇرتتىڭ جەر تۋرالى وزگەرىستى ءالى تۇسىنبەي جۇرگەنىن ايتتى.
مۇحتار قۇل-مۇحاممەد، «نۇر وتان» پارتياسى ءتوراعاسىنىڭ ءبىرىنشى ورىنباسارى:
- شەت ەلدىكتەرگە جەردى ساتۋ دەگەن نورما قولدانىستاعى زاڭدا دا، ۇسىنىپ وتىرعان زاڭىمىزدا دا جوق. زاڭنىڭ ستاتياسى دا، پۋنكتى دە پودپۋنكتى دە جوق. شەتەلدىكتەرگە جەر ساتۋ دەگەن الىپقاشپا اڭگىمە. ايتەۋىر ءبىر ايتاتىن اۋىز بولعان سوڭ ايتىپ قالايىن دەپ ايتىپ وتىرعان ادامدار اڭگىمەسى.
دۋبايدىڭ تەز دامىعانى، شەتەلدىكتەرگە جەر بەرىپ ينۆەستورلاردى تارتقانى دەگەن مۇحتار قۇل-مۇحاممەد شەتەلدىكتەرگە تەلىمنىڭ ءوتىپ كەتۋ تەتىكتەرى جوق دەپ سەندىردى.
مۇحتار قۇل-مۇحاممەد، «نۇر وتان» پارتياسى ءتوراعاسىنىڭ ءبىرىنشى ورىنباسارى:
-ەگەر شەتەلدىڭ ازاماتى قازاقستاندىققا ۇيلەنگەن كۇننىڭ ەرتەڭىندە ول ازاماتتىق الا المايدى. ول كەم دەگەندە 5 جىل تۇرۋ كەرەك قازاقستاندا. 5 جىل تۇرىپ، نەكەگە تۇرعاننان كەيىن ول ارىز جازۋ كەرەك ازاماتتىق جونىندەگى كوميسسياعا. سودان كەيىن وعان بەرە ما، بەرمەي ما قاراۋ كەرەك. ونى دا قاراپ وتىرعان ازاماتتار بار.
سونداي-اق پارتيا ءتوراعاسىنىڭ ورىنباسارى پىكىر بىلدىرەمىن دەپ استانا مەن الماتىعا اعىلۋدىڭ قاجەتى جوقتىعىن ايتتى. اركىم اكىمدىككە بارىپ، قوعامدىق كەڭەسكە جولىقسا بولادى ەكەن. ال ماۋسىم ايىنان باستاپ كوميسسياعا مۇشە 70-تەن استام ادام رەفورمانى الىپ، ەلدى-مەكەن ارالاپ، ءار تۇرعىندارىمەن جەكە كەزدەسەدى.
