تۇرعىندارعا ەلەكتر قۋاتى باعاسىن نەگىزسىز كوتەرىپ كەلگەن مونوپوليست كومپانيانىڭ زاڭسىز ارەكەتىنە سوت نۇكتە قويدى، - دەپ حابارلايدى Qamshy.kz كتك ارناسىنا سىلتەمە جاساپ.

قاراعاندى وبلىسى تۇرعىندارىنىڭ جارتىسىن ەلەكتر قۋاتىمەن قامتيتىن «جەزقازعانەنەرگو» كومپانياسى ءتاريفتى زاڭسىز كوتەرگەن. وسى ارقىلى كومپانيا 2 ميلليارد 200 ميلليون تەڭگە پايداعا كەنەلىپتى.

كومپانيا 2015 جىلدىڭ باسىندا ءبىر ەلەكتر ەنەرگياسىنىڭ ءبىر كيلوۆاتىنىڭ ءتاريفىن 12 دەن 20 تەڭگەگە ءبىر-اق شارىقتاتىپ جىبەرگەن ەدى. سول كەزدە جۇرت شۋ شىعارعان سوڭ، مونوپولياعا قارسى اگەنتتىك تەكسەرىپ، ءتاريفتىڭ جوعارىلاۋىن زاڭسىز دەپ تاپتى. الايدا مونوپوليست كومپانيا مەملەكەتتىك مەكەمەمەن ءبىر جىل بويى سوتتاسىپ كەلەدى. وسى ۋاقىت ىشىندە وزدەرى بەلگىلەپ العان تاريفپەن حالىقتىڭ قالتاسىنان 2 ميلليارد تەڭگەدەن اساتىن قارجىنى قاعىپ العان. ايتىس-تارتىسپەن ءىس جوعارعى سوتقا جەتىپ، اقىرى «جەزقازعانەنەرگو» ءتاريفتى زاڭسىز كوتەرگەن دەگەن شەشىم شىقتى. ەندى مونوپوليست حالىقتىڭ اقشاسىن قايتارۋى ءتيىس. 

جۇلدىز ەسكەنوۆا قاراعاندى وبلىستىق مونوپولياعى قارسى دەپارتامەنتىنىڭ ءبولىم باسشىسى:

ء-ار تۇتىنۋشى سوتقا ارىزدانىپ كومپانيادان بەرەشەگىن تالاپ ەتۋگە قۇقىلى. جوعارعى سوتتىڭ شەشىمى نەگىزگە الىنادى.  ءبىز ءوز تاراپىمىزدان دا كومپانيانىڭ ەلگە قارىزدى قايتارۋىن نەمەسە قايتا ەسەپ جۇرگىزۋىن قاداعالايمىز.