وتىز ءبىرىنشى ارنادا «ايتا بەرسىن» اتتى جاڭا باعدارلامانىڭ تۇساۋى كەسىلدى، - دەپ حابارلايدى Qamshy.kz
ءار سەنبى ساعات 21.00-دە 31 ارنادا جاڭا «ايتا بەرسىن» باعدارلاماسىنان شوۋ-بيزنەس الەمىنىڭ تاڭدايقاقتىرار جاڭالىقتارىن، ەسترادا، سپورت جانە كينو جۇلدىزدارىنىڭ بەيمالىم قۇپيالارىن تاماشالاۋعا شاقىرامىز. ساحنادا ۇنەمى قۋانىپ، كۇلىپ جۇرەتىن، حالىقتىڭ كوڭىلىن كوتەرەتىن جانداردىڭ جۇرەك تەبىرەنتەر وقيعاسىن، كوزجاسىن، جانايقايىن، ەمەن-جارقىن اڭگىمەسىن وسى باعدارلامادان كورە الاسىزدار.
«ايتا بەرسىن» باعدارلاماسىنىڭ تۇساۋكەسەر كورسەتىلىمى7 مامىردا ساعات 21.00-دە ەفيردەن بەرىلدى. باعدارلامانىڭ ءتىلى – قازاقشا. العاشقى كورسەتىلىمدە تانىمال ءانشى شاحيزادا كورەرمەندەرگە ءوزىنىڭ جاڭا ءۇيىن كورسەتىپ، 10 جىل وتاسقان كۇيەۋىمەن اجىراسقانىن اشىق ايتتى. التىناي جورابايەۆا قايىن جۇرتىنىڭ ۇيىنە سيرەك بارۋىنىڭ سەبەبىن ءتۇسىندىردى. ايگۇل يمانبايەۆانىڭ بۇعان قاتىستى ەكەنىن دە انىقتادىق. مەرۋەرت تۇسىپبايەۆا ءوزىنىڭ جەكە ءومىرىن شەتكە ىسىردى. نەلىكتەن ەكس شىمكەنتتىك كەلىن اق بوساعادان باس تارتتى؟ سونىمەن قاتار، اننا دانچەنكو شوۋ-بيزنەس وكىلدەرىنىڭ ارتىق سالماقپەن قالاي كۇرەسۋگە بولاتىندىعىنان حاباردار ەتتى. قايرات نۇرتاس قارىنداسى اقەركە تاجىبايەۆانىڭ تويىنا ءوز وتباسىمەن كەلگەنى راس پا؟
باعدارلامانىڭ الداعى كورسەتىلىمىندە جۇلدىزداردىڭ ومىرىندەگى ايتۋلى وقيعالار كورەرمەندەرگە جول تارتادى. قايرات نۇرتاس ايقىنعا وكپەلى مە؟ قوس ءانشى نەن بولىسە الماي ءجۇر؟ توقتار سەرىكوۆ جارىنان نە تالاپ ەتەدى؟ ماقپال ءجۇنىسوۆا پلاستيكالىق حيرۋرگ پىشاعىنىڭ استىنا جاتاتىنى راس پا؟ جانە ءمادينا سادۋاقاسوۆا جاعا بەينەبايان ءتۇسىرۋ بارىسىندا «گلامۋر» كەربەزدىڭ رولىنە قالاي ەندى؟
ءار سەنبى ساعات 21.00-دە قازاقستاندىق جۇلدىزداردىڭ ومىرىندەگى جاڭالىقتار نازارلارىڭىزعا ۇسىنىلادى. تەك ەكسكليۋزيۆتى كادرلار مەن حالىقتىڭ نازارىندا جۇرگەن جاندارمەن سۇحبات.
ءار سەنبىدە 31 ارنادا 21.00-دە
وتىز ءبىرىنشى ارنا— وتباسىمەن بىرگە كورۋگە ارنالعان كوتەرىڭكى كوڭىل سىيلايتىن ۇلتتىق ارنا. تاڭ قالدىراتىن، شابىتتاندىراتىن، كوڭىلدى، ءقاۋىپسىز ارنانىڭ ۇرانى «وتباسىمەن بىرگە كورەيىك!»
