مەن بۇل حاباردى (الماتى الاڭدارىنىڭ اينالاسىنان سۋىق قارۋ تابىلعاندىعى تۋرالى – اۆت.) ادەيى ۇيىمداستىرىلعان دەپ بىلەمىن. ياعني، ەرتەڭ الاڭعا ادام جىبەرمەۋ ءۇشىن ويلاپ تاپقان قۋلىقتارىنىڭ ءتۇرى بۇل. ەگەر شىنىمەن دە وسىنداي ارەكەتتەرگە بارعان قىلمىسكەرلەر ۇستالسا، وندا قۇقىق قورعاۋ ورگاندارى حالىققا ولاردىڭ تۇرلەرىن كورسەتسىن. قارۋ تاپقان ءۇيدى كورسەتسىن.
كۇماندانۋ سەبەبىم، 1986 جىلى ءبىزدى الاڭعا شىققان ناشاقورلار مەن ماسكۇنەمدەر دەپ ەدى. ءتىپتى، اراق تيەلگەن ماشينا كىرگىزگەن الاڭعا. سول كەزدە اناداي ارماتۋرانى ءتارتىپ ساقشىلارى ۇستاپ ءجۇرىپ، بەيبىت حالىقتى ساباعان. بيلىك سول كەزدە وسىنداي قادامعا بارعان.
مەن ءتورت كۇن بولدى ۇيگە بارا الماي ءجۇرمىن. ءۇيىمنىڭ اينالاسىن پوليسيا تورۋىلداپ، ىزدەۋدە ءجۇرمىن. الدەبىر كۇشتەر قاراپايىم حالىققا دا، مەملەكەتتىك ورگاندارعا دا قارسى وسىنداي ارەكەتتەردى ۇيىمداستىرىپ وتىرعان سەكىلدى.
جەر رەفورماسىنان باستالعان داۋدان سوڭ، وسىنداي قۋدالاۋلار ارقىلى بيلىك حالىقتى ءوزى ارانداتىپ وتىر. بۇعان دەيىن دە جەر جالعا بەرىلدى. ءقازىر دە ساتىلىپ جاتپاعانىنا دالەل جوق. ونداي بوس جاتقان جەرلەر كوپ بولسا، ءۇيسىز جۇرگەن قازاقتارعا بەرسىن!
