الماتى پوليسياسى كۇشەيتىلگەن قىزمەتكە كوشتى، - دەپ حابارلايدى Qamshy.kz الماتى قالاسى ءىىد باسپا ءسوز قىزمەتىنە سىلتەمە جاساپ.
باسپا ءسوز قىزمەتىنىڭ حابارلاۋىنشا، قالاداعى ىشكى ىستەر ورگاندارى تۇگەلدەي كۇشەيتىلگەن جاعدايدا قىزمەت اتقارۋعا كوشكەن. قالانىڭ پەريمەترى بويىنشا بلوك-پوستتار نىعايتىلىپ، بەينەباقىلاۋ كامەرالارىنىڭ مالىمەتتەرى تالدانۋدا.
«سونىمەن قاتار، مەگاپوليس اۋماعىندا قۇقىقتىق ءتارتىپ پەن قوعامدىق قاۋىپسىزدىكتى قامتاماسىز ەتۋگە باعىتتالعان قوسىمشا ءىس-شارالار جۇرگىزىلۋدە»، - دەلىنگەن باسپا ءسوز قىزمەتى تاراتقان حابارلامادا.
سونداي-اق، بۇگىن تاڭەرتەڭ زاڭسىز قارۋ ساقتادى دەگەن كۇدىكپەن ۇستالعان بەس ازاماتتىڭ ەكەۋى الماتى قالاسىنىڭ، ەكەۋى الماتى وبلىسىنىڭ، ەندى ءبىرى پاۆلودار وبلىسىنىڭ تۇرعىنى ەكەنى حابارلاندى. ولار ءقازىر الماتى قالاسى ءىىد-نىڭ تەرگەۋ يزولياتورىنا قامالعان. پوليسيا ۇستالعانداردىڭ ەكەۋى بۇرىن ەسىرتكى ساقتاۋ، كىسى زورلاۋ جانە ۇرلىق جاساۋ فاكتىلەرى بويىنشا قىلمىستىق جاۋاپكەرشىلىككە تارتىلعانىن انىقتاپ وتىر.
ەستەرىڭىزگە سالساق، بۇگىن الماتىلىق قۇقىققورعاۋشىلار رەسپۋبليكا جانە «استانا» الاڭىنىڭ ماڭىنداعى اۋلالاردان جانعىش زاتتار مەن تەمىر تاياقتار، ارماتۋرا سىنىقتارىن تاپقان بولاتىن. ودان بولەك قالانىڭ ەكى اۋدانىندا پاتەرلەرگە جاسىرىلعان تت، ماكاروۆ تاپانشالارى مەن وق-دارىلەر، بىرنەشە رگد گراناتالارى تاركىلەنگەن.
