استانادا ق ر پرەمەر-مينيسترىنىڭ ءبىرىنشى ورىنباسارى، جەر رەفورماسى بويىنشا رەسپۋبليكالىق كوميسسيا ءتوراعاسى باقىتجان ساعىنتايەۆتىڭ جەتەكشىلىگىمەن كوميسسيانىڭ ەكىنشى وتىرىسى ءجۇرىپ جاتىر، دەپ حابارلايدى Qamshy.kz . 

«كوميسسيانىڭ 75 مۇشەسىنىڭ 67ء-سى ءوزىنىڭ وتىرىسقا قاتىساتىنىن راستاعان. ءبىراز ادامدار سۇحبات بەرىپ جاتىر، جولدا كەلە جاتقاندارى بار. 7 ادام بەلگىلى سەبەپتەرمەن قاتىسا الماي وتىر. ونىڭ ەكەۋى ءوز ەرىكتەرىمەن كوميسسيا قۇرامىنان شىعاتىندارىن ايتقان. قالعاندارى دەنساۋلىق جاعدايىنا بايلانىستى وتكەن جولى دا قاتىسا الماعان بولاتىن. سول سەبەپتەن ول كىسىلەرگە تەزىرەك ساۋىعىپ، جۇمىسىمىزعا قوسىلۋىن كۇتەمىز»، - دەدى ب. ساعىنتايەۆ.

ءقازىر كوميسسيا مۇشەلەرى جۇمىس توپتارىنىڭ جەتەكشىلەرىن تاڭداپ جاتىر. ءتورت جۇمىس توبىن قۇرۋ ۇسىنىلعان بولاتىن: ەكونوميكالىق، قۇقىقتىق، راسىمدەردىڭ زاڭدىلىعى مەن اشىقتىعىن قامتاماسىز ەتۋ توبى، كوميسسيا شەشىمدەرىن ءتۇسىندىرۋ مەن اقپاراتتاندىرۋ توبى.

جەر رەفورماسى جونىندەگى كوميسسيانىڭ ەكىنشى وتىرىسىن Bnews.kz سايتىندا ونلاين-ترانسلياسيا ارقىلى كورىپ، سپيكەرگە ءوز ساۋالىڭىزدى جولداي الاسىزدار. ەگەر ساۋالىڭىز مودەراسيادان وتسە، سپيكەر ءسىزدىڭ سۇراعىڭىزعا تىكەلەي ەفيردە جاۋاپ بەرەدى.