استانادا جەر رەفورماسى جونىندەگى كوميسسيانىڭ ەكىنشى وتىرىسى باستالدى، - دەپ حابارلايدى Qamshy.kz.
وتىرىستا كوميسسيا قۇرامىنداعى جۇمىس توپتارىنىڭ قۇرامى مەن جەتەكشىلەرى سايلاندى. كوميسسيا قۇرامىنا ەكونوميكالىق، قۇقىقتىق، زاڭدىلىق پەن اشىقتىقتى قامتاماسىز ەتۋ جانە اقپاراتتىق باعىتتا جۇمىس ىستەيتىن ءتورت توپ قۇرىلىپ وتىر.
كوميسسيا ىشىندەگى قۇقىقتىق باعىتتاعى جۇمىستارمەن اينالىساتىن توپتىڭ جەتەكشىلىگىنە ەكونوميست مۇحتار تايجان سايلاندى. جەر رەفورماسى ماسەلەسىمەن اينالىساتىن نەگىزگى توپتىڭ ءبىرى ەكونوميكالىق جۇمىس توبىنىڭ جەتەكشىلىگىنە س. سەيفۋللين اتىنداعى اگرارلىق ۋنيۆەرسيتەتتىڭ رەكتورى ا. كۇرىشبايەۆ، كوميسسيا جۇمىسىنىڭ اشىقتىعىن قامتاماسىز ەتۋ توبىنىڭ جەتەكشىلىگىنە د. كوشىم، اقپاراتتىق توپ باسشىلىعىنا م. ابەنوۆ بەكىدى.
