جەر رەفورماسى جونىندەگى كوميسسيانىڭ كەزەكتى وتىرىسىندا ءسوز العان ايدوس سارىم قازاقستان بويىنشا 1 ملن 100 مىڭ ادام 10 سوتتىق جەر الۋ كەزەگىندە تۇرعاندىعىن مالىمدەدى، - دەپ حابارلايدى Qamshy.kz.

– ۇلتتىق ەكونوميكا مينيسترلىگىنىڭ بىزگە ۇسىنعان مالىمەتتەرىنە كوز جۇگىرتسەك قازىرگى كەزدە رەسپيبليكا بويىنشا 1 ملن 100 مىڭ ادام زاڭ شەڭبەرىندە تەگىن بەرىلەتىن 10 سوتتىق جەر الۋ كەزەگىندە تۇر ەكەن. سونىڭ ىشىندە الماتى قالاسىنىڭ وزىندە بۇل كورسەتكىش 150 مىڭنان اسادى. دەمەك، جەر ماسەلەسىندە حالىقتىڭ الاڭدايتىن ءجونى بار. ەلدىڭ ءبارى دە 10 سوتتىق جەرگە يە بولعىسى كەلەدى. ال ەندى جەر ساتىلاتىن بولسا، ونداي مۇمكىندىك بولماي قالا ما دەگەن ءقاۋىپ بار ەل ىشىندە. ماسەلەن، جەكە ءوز باسىمنىڭ جالپى جەردىڭ ساتىلۋىنا قارسى بولماسام دا، بۇگىنگى تۇرمىس-تىرشىلىگىمىز بەن جاعدايىمىزعا قاراپ، بۇل ويىمنان قاۋىپتەنەم. جالپى، ءبىزدىڭ قازىرگى جاعدايىمىزدا بۇل ماسەلەنى تالقىلاۋ ءتيىمسىز. جالپىقوعامدىق قوعامدىق پسيحولوگيامىزدى وزگەرتپەي، جەر ساتۋ جايلى وي قوزعاۋ قاجەتسىز دەپ سانايمىن، - دەدى ا.سارىم.