جەكەگە بەرىلەتىن جەر كولەمى شەكتەۋلى بولۋى ءتيىس. جەر رەفورماسى بويىنشا كوميسسيانىڭ ەكىنشى وتىرىسىندا سەناتور ساعىندىق ەلەۋسىنوۆ وسىلاي دەپ مالىمدەدى.

«جەر قازاقستان ازاماتتارىنا جەكەمەنشىككە بەرىلۋىمەن قاتار، جالعا الۋدا دا ونىڭ ءتارتىبى ساقتالۋى ءتيىس. جەردى جالعا الا الماعان ادامدار دا بار. جەكەگە بەرىلەتىن جەر شەكتەۋلى بولۋى ءتيىس. ءبىر ادامعا ما، الدە الاتىن ونىمىنە بايلانىستى ما شەكتەۋ بولعانى ءجون. ءبىراق بۇل ادىلەتتى تۇردە شەشىلۋى ءتيىس»، - دەدى سەناتور. 

سونىمەن قاتار، ول جەرمەن جۇمىس ىستەۋدى جانداندىرۋ ءۇشىن مەملەكەت تارابىنان كوپتەگەن قولداۋ بولۋى تيىستىگىن اتاپ ءوتتى. 

«ەڭ نەگىزگىسى، ەلدى مەكەندەردى گازبەن، اۋىز سۋمەن قامتاماسىز ەتۋ قاجەت. ءالى كۇنگە دەيىن اۋىلداردىڭ 50 پايىزى جۇيەلى تۇردە تازا اۋىز سۋمەن قاتماماسىز ەتىلمەگەن. ودان كەيىن جول ماسەلەسى. ارينە، مىناداي ۇلكەن تەرريتورياعا بىردەن جول توسەپ شىعۋ مۇمكىن ەمەس. ءبىراق، كوپتەگەن اۋدانداردى وبلىس ورتالىعىنا دەيىن تاس جولدار جوق. ەگەر جول سالىناتىن بولسا، وندا جەرمەن جۇمىس ىستەۋ الدە قايدا جەڭىل بولار ەدى دەپ ەسەپتەيمىن»، - دەدى س.ەلەۋسىنوۆ.