جەر رەفورماسى جونىندەگى كوميسسيانىڭ مۇشەسى، بەلگىلى اقىن، ايتىس ونەرىنىڭ جاناشىرى ءجۇرسىن ەرمان جەر ماسەلەسىنە كەلگەندە اسا ساق بولۋ قاجەتتىگىن ايتادى. ونىڭ ايتۋىنشا، ءقازىر كوميسسيا بۇگىندە قوعامدا داۋ تۋدىرعان بارلىق تۇيتكىلدەر بويىنشا حالىقتىڭ كوڭىلىنەن شىعاتىن شەشىمدەر قابىلداپ، جەر ماسەلەسىن جاۋىپ تاستاۋ كەرەك، دەپ حابارلايدى Qamshy.kz Bnews.kz-كە سىلتەمە جاساپ.
اقىن ءجۇرسىن ەرمان كوميسسياعا مۇشە بولعالى ەلدىڭ ەڭ وزەكتى ماسەلەسىنە جاۋاپتى بولىپ وتىرعانىن ايتتى.
«مەنiڭ ويىم حالىقتىڭ ويى دەپ ەسەپتەيمiن. كوميسسياعا مۇشە بولعاننان بەرi قازاقستاننىڭ تۇكپiر-تۇكپiرiنەن حاتتار كەلiپ ءتۇسiپ جاتىر. ءبارiنiڭ ايتاتىنى ءبىر – جەر ساتىلماسىن! اياعىمىزدى اڭداپ باسىپ، قازاقتىڭ اتامەكەن جەرiنiڭ بiر پۇشپاعىن دا ساتۋعا بولمايدى. مۇمكiن كەيiن باسقا شەشiم قابىلداۋعا بولار، بiراق ءدال قازiر بۇعان جول جوق دەپ ويلايمىز»، – دەيدى ءجۇرسىن ەرمان.
ونىڭ ايتۋىنشا، ەل ازاماتتارىنا جەردi جالعا بەرسەك تە، ساقتىق كەرەك. قازاقستاندا كەمiندە 20 جىل تۇراقتى ءومiر سۇرگەن ادامدارعا بەرۋ سەكiلدi تەتىكتەردى ويلاستىرعان ابزال.
«لاتيفۋنديستەر دەگەن بار، ولار 500، 700 مىڭ گەكتار جەردi الىپ العان، بۇل نە دەگەن سوراقىلىق. جەردi جالعا بەرگەننiڭ ءوزiندە وعان شەك قويۋ كەرەك دەپ ويلايمىن. ءارi ەگەر بەلگiلi بiر مەرزiم iشiندە جەردi پايدالانبايتىن بولسا، مەملەكەت ونى قايتارىپ الىپ، كادەگە جاراتقانى ءجون. جەردiڭ ارتىندا بۇكiل قازاق ۇلتىنىڭ تاعدىرى تۇر. جەر قازاق ءۇشىن ەڭ باستى ماسەلە. سوندىقتان دۇرىس تەتiكتەرiن قابىلداپ، بەكiتiپ، جەر ماسەلەسiن جاۋىپ تاستاۋ كەرەك»، -دەگەن پىكىردە كوميسسيا مۇشەسى.
ءجۇرسىن ەرمان جەر رەفورماسى جونىندەگى كوميسسيادان كەيبىر ادامداردىڭ شىعىپ كەتۋىنە قاتىستى ويىن دا جەتكىزدى.
«كوميسسيا مۇشەلەرiنiڭ كوميسسيادان شىعىپ كەتۋiن ءالسiزدiك دەپ ەسەپتەيمiن. مەملەكەت «ماسەلەنى تالقىلاڭدار، شەشىڭدەر» دەپ كوميسسيا قۇرىپ بەردى. وسى كوميسسيانىڭ ىشىندە وتىرىپ، حالىقتىڭ پىكىرىن جەتكىزىپ، داۋىس بەرىپ، ءۇنىڭدى قوسپايسىڭ با؟! بۇل وسالداردىڭ پوزيسياسى دەپ ويلايمىن»، – دەيدى ول.
ايتا كەتسەك، بۇگىن جەر رەفورماسى جونىندەگى كوميسسيانىڭ ەكىنشى وتىرىسى ءوتتى. وتىرىستا قازاقستان ازاماتتارىنا اۋىل شارۋاشىلىعى جەرلەرiن جەكە مەنشiككە ساتۋ نەمەسە جالعا بەرۋ ماسەلەسi قارالدى. ال 28 مامىرعا بەلگiلەنگەن كوميسسيانىڭ كەلەسi وتىرىسىندا قوعامدىق رەزونانس تۋدىرعان جەردi شەتەلدiكتەرگە جالعا بەرۋ ماسەلەسi تالقىعا تۇسەدى.
