كەيبىر باق-تا تاراعان «مس سايلاۋبەكتى بەلگىسىز بىرەۋلەر اتىپ كەتتى» دەگەن اقپارات جالعان بولىپ شىقتى، - دەپ حابارلايدى Qamshy.kz.
ىشكى ىستەر دەپارتامەنتى تاراعان اقپارات بويىنشا تەكسەرىس ءىس-شارالارىن جۇرگىزدى. تەكسەرىس ناتيجەسىندە انىقتالعانداي، جوعارىدا اتالعان ازامات قالانىڭ مەديسينالىق مەكەمەلەرىنە قارالماعان. قازىرگى ۋاقىتتا ءىستىڭ ءمان-جايى تەكسەرىلۋدە. اقپاراتتتىق سايتتاردا تاراعان مالىمەتتەر راستالسا، ودان ءارى ق ر زاڭناماسىنا سايكەس شارالار قولدانىلادى. ىشكى ىستەر دەپارتامەنتىنىڭ وكىلدەرى ازىرگە جالعان اقپارات تاراتپاۋدى سۇراپ وتىر.
ايتا كەتەيىك، بۇعان دەيىن كەيبىر اقپاراتتىق پورتالدار الماتى تۇنگى كلۋبتارىنىڭ بىرىندە رەپەر مس سايلاۋبەكتى بەلگىسىز بىرەۋلەر اتىپ كەتىپ، ءىزىن جاسىرعانىن جازعان بولاتىن. سونداي-اق، رەپەردىڭ پروديۋسەرى اسلان باقىتجانوۆقا سىلتەمە جاساپ، ونىڭ اۋرۋحاناعا جەتكىزىلگەنى تۋرالى اقپارات تاراعان.
ايتا كەتەيىك، makeup_almaty ينستاگرام پاراقشاسىندا ۆيزاجيستتەر مس سايلاۋبەكتىڭ قانعا بويالعان ۆيدەولارىن جۇكتەگەن بولاتىن.
