اقتوبەدەگى تەراكتقا قاتىسى بار دەپ ىزدەۋ جاريالانعاندار تىزىمىنەن تاعى دا شۋ شىقتى، – دەپ حابارلايدى Qamshy.kz.

اقتوبە قالاسىنىڭ تۇرعىنى ءوزىن پوليسيا تاراتقان «كوزى جويىلعاندار تىزىمىنەن» تاۋىپ وتىر. پوليسيا «ءولتىرىپ تاستاعان» جىگىتتىڭ ۆيدەو مالىمدەمەسى aktobe_zello توبىندا جاريالاندى.

ۋايسوۆ دانيار رامازان ۇلى دەگەن جىگىت ءوزىنىڭ اقتوبەدە تۇراتىنىن، ءوزىنىڭ قايتىس بولعاندارعا ەشقانداي دا قاتىسى جوق ەكەنىن ايتادى.

«بۇگىن 2016 جىلعى 12 ماۋسىم. ب ا ق پەن ينتەرنەت بەتتەرىندە مەنىڭ 5 ماۋسىمدا اقتوبەدە شابۋىلعا قاتىسى بار قىلمىسكەر رەتىندە ولتىرىلگەن بانديتتەردىڭ قاتارىندا بار دەپ حابارلاما بەردى. وزدەرىڭىز كورىپ وتىرعانداي مەن ۆيدەو ءتۇسىرىپ وتىرمىن، ياعني ءتىرىمىن. سوندىقتان، وسىعان بايلانىستى كەشىرىم سۇراۋدى جانە ءوزىم تۋرالى جالعان اقپاراتتى جوققا شىعارۋدى تالاپ ەتەمىن»، - دەيدى ول.

بۇعان دەيىن قالاداعى لاڭكەستىككە قاتىسى جوق، الايدا كۇدىكتىلەر تىزىمىنە ەنگەن سامات، سانات قوجانيازوۆتار تۋرالى اقپارات تاراعان بولاتىن.