الماتى وبلىسى تالعار قالاسىندا ەكى بالا اۆتوكولىك ىشىندە تىرىدەي ورتەنىپ كەتتى، - دەپ حابارلايدى Qamshy.kz الماتى وبلىستىق ءىىد باسپا ءسوز قىزمەتىنە سىلتەمە جاساپ.
پوليسيانىڭ حابارلاۋىنشا قايتىس بولعان بالالاردىڭ ەكەۋى دە ءۇش جاستا بولعان.
«جەكە تۇرعىن ۇيلەردىڭ ءبىرىنىڭ الدىندا 13 ماۋسىم كۇنى اۆتوكولىك ورتەندى. ونىڭ ىشىندە ءۇش جاسار ەكى ۇل بالا بولعان. بالالار قايتىس بولدى. ولار فولكسۆاگەن-گولف كولىگىنىڭ ىشىندە جانىپ كەتتى. شەتەلدىك كولىكتىڭ ورتەنۋ سەبەبى ءالى انىقتالمادى. تالعار ءاىىب قىزمەتكەرلەرى اتالعان وقيعا بويىنشا ءتيىستى تەكسەرۋ جۇرگىزۋدە»، - دەلىنگەن ءىىد تاراتقان حابارلامادا.
وبلىستىق ءىىد وسىنداي قايعىلى وقيعا كەشە قاراساي اۋدانىندا دا بولعانىن، ءورت كەزىندە 10-11 جاستاعى ەكى بالانىڭ ۇزىن قارعالى وزەنىنە باتىپ كەتكەنىن حابارلايدى.
