ق ر ۇلتتىق ەكونوميكا ءمينيسترى قۋاندىق بيشىمبايەۆ سەيسەنبىدە وتكەن ۇكىمەت وتىرىسىندا ەلدەگى شاعىن جانە ورتا كاسىپكەرلىكتى دامىتۋ جانە قولداۋ جونىندەگى شارالار تۋرالى ايتتى، - دەپ حابارلايدى Qamshy.kz.

ءمينيستردىڭ ايتۋىنشا 2016 جىلى قولدانىستاعى شوب سۋبەكتىلەرىنىڭ سانى وتكەن جىلمەن سالىستىرعاندا 1،3%-عا ءوستى. بۇگىنگى كۇنى ەلدە 1 ملن 302 مىڭ 562 شاعىن جانە ورتا كاسىپكەرلىك سۋبەكتىسى جۇمىس ىستەيدى. سونداي-اق، بيشىمبايەۆتىڭ دەرەكتەرى بويىنشا وسى سەكتوردا جۇمىسپەن قامتىلعاندار سانىنىڭ وسكەنى بايقالۋدا.

«2015 جىلدىڭ قورىتىندىلارى بويىنشا شوب سەكتورىندا جۇمىسپەن قامتىلعاندار سانى 3 ملن 146 مىڭ 576 ادامدى قۇرايدى، بۇل 2014 جىلعا قاراعاندا 2،8%-عا كوپ»، - دەپ حاباردار ەتتى مينيستر.

بيشىمبايەۆ وڭدەۋ ونەركاسىبىندەگى شوب سۋبەكتىلەرىن جەڭىلدەتىلگەن قارجىلاندىرۋعا 200 ملرد تەڭگە بولىنگەنىن اتاپ ءوتتى.

«اتالعان قاراجاتتى جاڭارتۋ تۇرىندە ورنالاستىرۋ ەسەبىنەن 2016 جىلعى 1 ماۋسىمداعى جاعداي بويىنشا 260 ملرد تەڭگەدەن استام سوماعا 1353 شوب جوباسى قارجىلاندىرىلدى»، - دەپ حابارلادى بيشىمبايەۆ.

بۇل جاعداي 740 ملرد تەڭگە سوماسىندا ءونىم شىعارۋعا، 15700 جۇمىس ورنىن قۇرۋعا مۇمكىندىك بەرىپ،  66،8 ملرد تەڭگە سوماسىنا بيۋدجەتكە سالىقتىق تۇسىمدەردى قامتاماسىز ەتۋگە مۇمكىندىك بەرگەنىن اتاپ ءوتتى

سونىمەن قاتار بيشىمبايەۆ وڭ سەرپىندى ساقتاۋ ءۇشىن 2016 جىلى قانداي جۇمىس جۇرگىزىلەتىنى تۋرالى اتاپ ءوتتى.

«داعدارىسقا قارسى 2016 جىلعا ارنالعان قوسىمشا شارالار شەڭبەرىندە شوب-تىڭ اينالىم كاپيتالىنا جانە قارىزداردى قايتا قارجىلاندىرۋعا بجزق قاراجاتتارىنان 200 ملرد. تەڭگە كولەمىندە شوب قاجەتتىلىگىن قورلاندىرۋ، سونداي-اق 65 ملرد. تەڭگە كولەمىندە حالىقارالىق قارجى ۇيىمدارىنىڭ قاراجاتتارىن تارتۋ كوزدەلگەن» - دەدى مينيستر.

ونىڭ ايتۋىنشا اعىمداعى جىلدىڭ سوڭىنا دەيىن 16،5 ملرد. تەڭگە سوماسىنا شوب-تىڭ 34 جوباسىنا ينجەنەرلىك ينفراقۇرىلىم جۇرگىزىلەتىن بولادى.

بۇدان باسقا شوب-تى ودان ءارى ىنتالاندىرۋ ءۇشىن وڭدەۋ ونەركاسىبى سالاسىنداعى كاسىپكەرلىك سۋبەكتىلەرىن قارجىلاندىرۋ بويىنشا قوسىمشا قولداۋ شارالارى پىسىقتالۋدا.

«تۇپكىلىكتى قارىز الۋشىعا سىياقى مولشەرلەمەسى 12،7%-دان اسپايتىن 155،3 ملرد. تەڭگەنى باعىتتاۋ جانە مۇنداي كرەديتتەردى «بيزنەستىڭ جول كارتاسى-2020» ارقىلى قۇنىن 5%-عا ارزانداتۋ جوسپارلانۋدا» - دەدى مينيستر.

 ءسوز سوڭىندا، بيشىمبايەۆ اعىمداعى جىلى قۇرىلىسقا كرەديتتەر مەن رۇقساتتار العان، سىرتقى ەكونوميكالىق قىزمەت جۇزەگە اسىرىلعان كەزدە، بانكروتقا ۇشىراۋ جانە كاسىپكەرلىك سۋبەكتىلەرىنىڭ وڭالتۋ راسىمدەرىن جەتىلدىرەتىن جاعدايدى جاقسارتۋدى كوزدەيتىن زاڭناماعا تۇزەتۋلەردىڭ كەزەكتى توپتاماسى پىسىقتالىپ، جونىندەگى بولاتىنىن اتاپ ءوتتى.