جەر رەفورماسىنا نارازىلىق تانىتىپ ميتينگكە شىققانداردى «شەت ەلدەردەن اقشا الدى» دەپ ايىپتاعان «ەۋرازيا» تەلەارناسىن تاعى 19 ادام سوتقا بەردى، - دەپ حابارلايدى Qamshy.kz.
تەلەارنا تاراتقان مالىمەتپەن كەلىسپەيتىن 19 ادام الماتىنىڭ بوستاندىق اۋداندىق سوتىنا شاعىم ءتۇسىرىپ، اقپارات قۇرالىنىڭ ايتقانىن تەرىستەۋدى جانە ءارقايسىسىنا 100 مىڭ تەڭگە كولەمىندە مورالدىق شىعىننىڭ وتەۋىن تالاپ ەتۋدە.
شاعىمدانعان 19 ادامنىڭ مۇددەسىن قورعاۋشى ەرمەك نارىمبايەۆ قورعاۋدا.
ەستەرىڭىزگە سالساق، بۇعان دەيىن «ەۋرازيا» ارناسىن قاراعاندىلىق زاڭگەر نۇرحان جۇمابەكوۆ سوتقا بەرىپ، وزگە وتانداستارىن دا ارنانى سوتقا بەرۋگە شاقىرعان بولاتىن. ن. جۇمابەكوۆ شاعىمى بويىنشا ءقازىر سوت پروسەستەرى وتۋدە.
