فەيسبۋك الەۋمەتتىك جەلىسىندە نۇرتالاپ پەرنەبەك ەسىمدى قولدانۋشى ءوزىنىڭ بايان ەسەنتايەۆا كۇيەۋىنەن اجىراسسا، وعان ۇيلەنۋگە ءازىر ەكەنىن ءبىلدىردى، - دەپ حابارلايدى Qamshy.kz.

«ايگىلى پروديۋسەر بايان حانىمنىڭ جاعدايى ەل بولىپ تالقىلانىپ جاتىر عوي. جەكە ءوزىم ول كىسىمەن تانىستىعىم جوق، ءبىراق تالانتىن باعالايمىن. امان-ەسەن اۋرۋحانادان ساۋىعىپ شىعۋىن تىلەيمىن. ەندى جۇرت ونى «كۇيەۋىمەن اجىراساتىن بولدى» دەپ ءجۇر. ايەلىنە قول كوتەرگەن ەركەكتىڭ بارار ورنى بەلگىلى عوي. بايان حانىم جولداسىمەن اجىراسىپ كەتسە، مەن ول كىسىنى جار ەتىپ الۋعا دايىنمىن. ەكى قىزى دا بوي جەتىپ وتىر ەكەن.

ءوزىم تۋرالى ايتار بولسام، 34 جاستامىن. بۇرىن ۇيلەنبەگەنمىن. بويىمدا كەمشىلىگىم جوق. الماتىلىقپىن، بۇگىندە استانادا تۇرامىن. جۇمىسىم تۇراقتى. تابىسىم دا جامان ەمەس»، - دەگەن ول جەلى قولدانۋشىلارىن ءوزىنىڭ بۇل سوزدەرىن كۇلكىگە اينالدىرماۋىن سۇرايدى.

بايان ەسەنتايەۆا (تۇرمىس قۇرعانعا دەيىنگى فاميلياسى مۇحيتدەنوۆا)– پروديۋسەر، ءانشى، تەلەجۇرگىزۋشى. 1974 جىلى تۋعان. Shine Production پروديۋسەرلىك ورتالىعىنىڭ جەتەكشىسى.

10 ماۋسىم كۇنى ب. ەسەنتايەۆا سوققىعا جىعىلىپ، الماتى وبلىسى تالعار اۋداندىق اۋرۋحاناسىنا جاتقىزىلدى. سوققىعا جىققان كۇدىكتى رەتىندە كۇيەۋى باقىتبەك ەسەنتايەۆ قاماۋعا الىندى. دارىگەرلەر پروديۋسەردىڭ دەنساۋلىعى جاقسارىپ كەلەدى دەپ وتىر.