«31 ارنا» 21 ماۋسىمنان باستاپ دۇيسەنبى مەن جۇما كۇندەرى ارالىعىندا 16.00-دە قازاقستاندىق «سىرعالىم» تەلەحيكاياسىن ۇسىنادى، - دەپ حابارلايدى Qamshy.kz.
«سىرعالىم» – اۋىلدان قالاعا كەلگەن قاراپايىم قىز تۋرالى حيكايا. كۇتپەگەن قوناق قالادا تۇراتىن وتباسىنىڭ قالىپتى داعدىلارى مەن وي جۇيەسىنە تولىقتاي وزگەرىس اكەلەدى.
باستى كەيىپكەر جانتورە اتابايەۆتىڭ وتباسى – قازىرگى زامانعى قازاق وتباسىنىڭ جارقىن ۇلگىسى. ونىڭ ۇلدارى مەن كەلىندەرىنە، نەمەرەلەرىنە قاراساڭىز، زامانعا لايىقتى قازاقستاندىق جاستاردى كورەسىز، سونداي-اق وزىنە ءتان قيىندىعى مەن مىندەتتەرى، تىلەك-قالاۋلارى بار ورتا بۋىن مەن اتا-بابا دانالىعى مەن ۇلتتىق ءداستۇر-سالتتى ۇستانعان ۇلكەن بۋىن تاعى بار. الايدا، جانۇيادا اكە مەن بالالار اراسىنداعى كەلىسپەۋشىلىك تۋىندايدى. سول كەزدە ولاردىڭ ۇيىنە سىرعالىم ەسىمدى قۇتقارۋشى كەلەدى (سىرعالىمنىڭ ءرولىن جۇلدىز ماحانوۆا سومدايدى). ونىڭ ءومىرى ايتارلىقتاي وڭاي ەمەس، حيكايانىڭ جاعىمسىز كەيىپكەرلەرى ونى اياقتان شالۋعا تىرىسادى، ماڭىنداعى ايەلدەردىڭ ويلايتىنى قاستىق، ءتىپتى وتباسىنداعى ءۇش ۇلدىڭ بىرەۋى ونى ۇيدەن قۋىپ شىققىسى كەلەدى. اۋلەتتەگى قۇپيالار، تۋىستار اراسىنداعى كيكىلجىڭدەر سىرعالىمدى اينالىپ وتپەيدى. سول ءۇشىن كورەرمەندەر كەيىپكەرگەن قازاقتىڭ كۇلبيكەشى دەگەن ات بەرىپ ۇلگەرگەن.
بۇل تەلەحيكايادا قازاق ءتىلىنىڭ كوركەمدىگى مەن تازالىعىنا ەرەكشە ءمان بەرىلگەن (فيلم ورىس تىلىندەگى سۋبتيترلارىمەن). «ونىڭ سەبەبى، - دەيدى حيكايانىڭ اۆتورى جانە پروديۋسەرلەرىنىڭ ءبىرى راشيد سۇلەيمەنوۆ، - فيلم جاساۋشىلار ەڭ الدىمەن قازاق ءتىلىن ناسيحاتتاۋدى ماقسات تۇتقان. تەلەحيكايا سيۋجەتىنە قالا مەن اۋىلدىڭ بىرىگۋى، ەتنوستىڭ ءبىر جەرگە شوعىرلانۋى سياقتى وزەكتى ماسەلەلەر نەگى بولعان.
كارتينانى جاساۋشى – وسىعان دەيىن بىرنەشە تابىستى جوبالارمەن تانىلعان «كوركەم فيلم» كينوكومپانياسى. حيكايا اۆتورلارىنىڭ ايتۋىنشا، ونى تۇسىرۋگە كولەمى 1000 شارشى مەتر بولاتىن تاۋەلسىز قازاقستان تاريحىنداعى ەڭ قىمبات دەكوراسيالار دايىندالعان ەكەن. 2014 جىلدىڭ قورىتىندىسى بويىنشا، تەلەحيكايا ءبىزدىڭ ەلدىڭ ەڭ ۇزدىك ءفيلمى، ال كورەرمەندەر جۇلدىز ماحانوۆانى ەڭ ۇزدىك اكتريسا دەپ اتادى.
العاشقى ماۋسىمى پروكاتتا ۇلكەن تابىسقا يە بولعاننان كەيىن، اۆتورلارى كارتينانىڭ ەكىنشى ماۋسىمىن ءتۇسىردى. وندا باستى كەيىپكەر ءوز وتباسىن قۇرادى، مانسابىن جولعا قويادى، سونىمەن بىرگە كۇيەۋىمەن قارىم-قاتىناسىن ساقتاپ قالۋعا تىرىسادى. ارينە، شاڭىراقتى شايقالتپاي ۇستاۋ ءۇشىن تۇسىنىستىك، ءتوزىم جانە سۇيىسپەنشىلىك قاجەت.
ايتا كەتەرلىگى، سىرعالىم ءرولىن سومدايتىن اكتريسا جۇلدىز تۇرمىس قۇرماعان. شەتەل تىلدەر ۋنيۆەرسيتەتىنىڭ حالىقارالىق قاتىناستار ماماندىعىن ءتامامداعان بويجەتكەن شىعارماشىلىق وتباسىندا وسكەن، اكەسى – تەليەۆيزيا رەجيسسەرى، اعاسى – م.اۋەزوۆ اتىنداعى دراما تەاترىنىڭ اكتەرى. بويجەتكەن وسىعان دەيىن بىر-ەكى كينوجوباعا، سونىڭ ىشىندە «جاۋجۇرەك مىڭبالا» ءفيلمىنىڭ ەپيزودتىق رولىنە ءتۇسىپ ۇلگەرگەن. كىشكەنە كۇنىنەن ۇل بالالارمەن فۋتبول ويناپ، دوپ قۋىپ وسكەن قىزعا اۋىلدان كەلگەن يبالى قىزدىڭ ءرولىن سومداۋ العاشىندا وڭايعا سوقپايدى. الايدا اكتريسا مەن كەيىپكەرىنىڭ ۇقساس قاسيەتتەرى بار. ول – ەرىك-جىگەر، ونەگەلى تاربيە جانە ۇلكەن ەڭبەكقورلىق.
21 ماۋسىمنان باستاپ دۇيسەنبى – جۇما كۇندەرى 16.00-دە 31 ارنادان تاماشالاڭىزدار.
وتىز ءبىرىنشى ارنا – تاڭعالدىراتىن، شابىت پەن مەيىرىم سىيلايتىن، قىزىقتى، ءقاۋىپسىز، بۇكىل وتباسىنا ارنالعان ۇلتتىق ويىن-ساۋىق ارناسى. ارنانىڭ ۇرانى – «وتباسىمەن بىرگە كورەيىك!».
