پرەمەر-مينيستر كارىم ءماسىموۆ بۇگىن پارلامەنت پالاتالارىنىڭ بىرلەكەن وتىرىسىندا ەل ازاماتتارىنا 10 سوتىق جەر بەرۋ ماسەلەسىنە قاتىستى پىكىرىن ءبىلدىردى، - دەپ حابارلايدى Qamshy.kz.
ەل ەكونوميكاسىنىڭ جاعدايىنا قاتىستى قويلىعان دەپۋتاتتاردىڭ سۇراقتارىنا جاۋاپ بەرگەن پرەمەر جەر ماسەلەسىن دە اينالىپ وتە المادى.
«ەكونوميكانى دامىتۋ ءۇشىن اتقارىلاتىن جۇمىستىڭ ءبىرى تۇرعىن ءۇي قۇرىلىسىن ودان ءارى ۇلعايتۋ. بۇل باعدارلاماداعى جاڭا باعىتتىڭ ءبىرى جەكە تۇرعىن ءۇي قۇرىلىسى ءۇشىن وبلىس اكىمدىكتەرى ارقىلى ينفراسترۋكتۋرا جۇرگىزۋ»، - دەگەن ول سوڭعى كۇندەرى جەر ماسەلەسىنە قاتىستى پىكىر-تاسلاستىڭ كوپ ەكەنىنە توقتالدى.
«10 سوتىق جەر بەرۋ ماسەلەسى، ەگەر ول جەرلەر ينفراقۇرىلىممەن قامتاماسىز ەتىلگەن بولسا، بۇل ماسەلەنى شەشۋگە وڭ ىقپال ەتەر ەدى. سوندىقتان، رەسۋرستاردىڭ ءبىر بولىگى جەكە تۇرعىن ءۇي قۇرىلىسىنىڭ ينفراقۇرىلىمىن دامىتۋعا باعىتالادى»، - دەدى ك. ءماسىموۆ.
