استانا ءىىد وكىلدەرى ەسىرتكى ساتۋمەن اينالىسقان ادامدى ۇستاۋ ءساتى تۇسىرىلگەن ۆيدەو جاريالادى، - دەپ حابارلايدى Qamshy.kz Tengrinews.kz – كە سىلتەمە جاساپ.

ءىىد ەسىرتكىگە قارسى كۇرەس باسقارماسىنىڭ قىزمەتكەرلەرى كينولوگيالىق قىزمەت ورتالىعىنىڭ وكىلدەرىمەن بىرگە ەسىل قالاسىندا اقمولا وبلىسىنىڭ 50 جاستاعى تۇرعىنىن ۇستادى. ول ەلوردادا ەسىرتكى ساتۋمەن اينالىسقان ەكەن. ەر ادامدى تاركىلەۋ كەزىندە سالماعى 3 كەلى 500 گرامم بولاتىن ەسىرتكى جانە قارۋ-جاراقتار تابىلدى.

سونىمەن قاتار، 15 ماۋسىمدا قارۋلى شابۋىل جاساۋمەن اينالىسقاندار ۇستالدى.

"15 ماۋسىم كۇنى جەكەمەنشىك ۇيلەردىڭ بىرىنە شابۋىل جاساپ، ىشىندە 38 مىڭ دوللار قاراجات جانە قۇنى 300 مىڭ دوللار بولاتىن اشەكەي بۇيىمدار ساقتالعان سەيفتى ۇرلاعان ءۇش ادام ۇستالدى. ولار ءۇي يەلەرىن تاپانشامەن قورقىتقان. ۇستالعانداردىڭ جامبىل وبلىسىنان كەلگەنى، سونىمەن قاتار، بۇعان دەيىن دە سوتتى بولعانى انىقتالدى"، - دەلىنگەن حابارلامادا..