ۋاقىتتان سىرتىلداپ ءتىل شىعىپ تۇر،

جاڭا زامان جاڭادان تىرشىلىك قىل.

كەشە بابام ەككەن تال قۋراپ بارىپ،

قايتا كوكتەپ ءدال ءقازىر ءبۇر شىعىپ تۇر. . .

تاريحىتىڭ البومىن جاساپ جاتقان،

ماس تاعىدىرلار الدىدان اشار قاقپان.

قازاقستان ارالاپ ايماعىڭدى،

قايىراتىمدى بەرەيىن تاس اۋناتقان.

سان عاسىرىن سارالاپ الىپ كەتكەن،

جىلاعان تالاي ءولىپ عارىپ كوكتەم.

ءتاڭىر تاۋدىڭ تاسىنا تامىر تارتقان،

مەن قازاقتىڭ قانىمىن تامىپ جەتكەن.

تاۋلارىنا باس ۇرعان بار زاڭدىلىق،

ءبورىسى جۇر اتتەڭ-اي سارساڭدا ۇلىپ.

توعايىڭدا توسىرقاپ اداسقانمەن،

جۇرسەم ءسۇيىپ تامىرلى ارشاڭدى قۇت.

جىلدارعا وراپ جىمسقى كۇيبەڭىمدى،

كۇندەرگە وراپ كوڭىلسز كۇيلەرىمدى.

مەزگىلدەردىڭ مەزەتتىك ماسايىراۋى،

ساعىمدارىن سۇيرەتىپ بيلەپ جۇردى.

بايتاق دالا بۇيىرعان ماڭداي جارىق،

اتا-مەكەن اڭسايمىن تاڭداي قاعىپ.

جەتەرمىن جەلدەي ەسىپ سۇيە قۇشىپ،

ءتىرى قازاق ولسىنبە، بارماي قالىپ؟!

ۋاقىتتىڭ تىسىندە شاينالىپ كوپ،

بابالار وتكەن ەكەن ايلانىس جوق.

بار قازاققا شاقىرتۋ تاباق تارتىپ،

بارعاندارعا كەل دەدىڭ قايماق ءىش دەپ.

از عۇمىردى جەل-ۋاقىت جەمىرىپ جۇر،

قاشان مۇرسات بەرەدى تەگى قۇرعىر.

ميلليون قازاق حالقىنىڭ قۇشاعى اشىق،

ءبورىمىز عوي قاشاندا تەگىمىز ءبىر.

وشىرمەي شىراقتارىن تىرلگىمنىڭ،

ارنايمىن باعىزى ب ا ق جىردىڭ گۇلىن.

قازاقستان قارسى الىپ الدىمنان شىق،

بارادى قايتا اينالىپ ءبىر ق ۇلىنىڭ.

2016. 6. 17.

ەي، ادامدار!

ەي، ادامدار!

ومىردە تىربىنىڭدار،

تىربىنىڭدار، ويلانىڭدار قۇلدىعىم بار!

سەكەڭدەپ ور قويانداي كەتكەن مينوت،

توقتامايدى كورسەتىپ شىندىعىن ءدال.

جالعاندىقتان كوزدەگەن پايدانى كوپ،

جاماندىقتار مەس قارىن ويلامى جوق.

تىنىش جاتقان كەڭ دالا بولعانىمەن،

جاقسىلقسىز ادامنىڭ ايماعى جوق.

سۇرقيالىق سۇستانسا ادالدىققا،

اراشالاپ جالادان الا الدىقپا؟

بەتكە ۇرادى نامىسپەن ۇجدان كۇيىپ،

ەي ادامدار جول الساڭ ھارامدىققا.

ىزگىلىكتىڭ ماحابباتپەن جولى بىردەي،

اداسقان ادامدار-اي سونى بىلمەي.

شىنايىلىق شىڭعىرسا شىڭىراۋدا،

جالعاندىقتار جەر قۇشار ءجونى كەلمەي.

قىزىل تىلدەن سورعالاپ كۇنالارى،

وسەكتەر جەلدەي ەسەر قۇرامالى.

يمانىنىڭ قۇنىن بىلمەس جۇرەكتەر بار،

اللادان بايلىق قانا سۇراعانى.

شىعا المايمىز تاعىدىردىڭ ۋىسىنان،

تامشىلاتىپ جاڭبىرىن بۋ ۇشىرعان.

ادامدار ەرەگەسكە تاڭىرقاما،

جاراتقان قايشىلقتان تۋمىسىڭنان.

مارتەبە مەن مانساپقا جۇگىرگەن ەل،

ءبىرىڭ شارقىش بولساڭدا ءبىرىڭ كەمەل.

پايدا ىزدەپ تىرلكتە جۇگىرگەنمەن،

ولگەنسوڭ ءبىز كورمەدىك تىرلگەن ەل.

اعىزىپ مەيىرىمنىڭ اق بۇلاعىن،

ماڭگى ولمەستىڭ ادامدار تاپ تۇراعىن.

جاماندىقتى كوكپار عىپ تاقىمىڭا،

جاقسىلىقتى تۇلپار عىپ شاپقىلا مىڭ.

2016. 6. 16.

نۇرلان ەرمەكباي