بۇل تۋرالى بۇگىن الماتى وبلىسىندا ءوتىپ جاتقان جەر كوميسسياسىنىڭ وتىرىرىسىندا بەلگىلى بولدى، - دەپ حابارلايدى Qamshy.kz.
كوميسسيانىڭ قۇقىقتىق جۇمىس توبىنىڭ جەتەكشىسى مۇحتار تايجان كوميسسيا جۇمىسىنىڭ پروسەدۋرالىق قىرلارىنا توقتالدى. اتاپ ايتقاندا، كوميسسيانىڭ وتكەن اپتاداعى وتىرىسىنىڭ وتپەي قالۋىن ءسوز ەتتى.
كوميسسيا ءتوراعاسى باقىتجان ساعىنتايەۆ مۇحتار تايجانعا وتكەن اپتادا تاماعى اۋىرىپ، جەر كوميسسياسىنىڭ وتىرىسىن وتكىزە الماعانىن ايتتى.
«وتكەندە انگينا دەيدى عوي، تاماعىم اۋىرىپ سويلەي الماي قالدىم. سول سەبەپتى وتىرىس بولماي قالدى»، - دەدى ب. ساعىنتايەۆ.
سونداي-اق، ب. ساعىنتايەۆ جەر كوميسسياسىنىڭ كەلەسى وتىرىسىن ۆيسە-پرەمەر-اۋىلشارۋاشىلىق ءمينيسترى اسقار مىرزاحمەتوۆ جۇرگىزەتىنىن جەتكىزدى.
