جەر كوميسسياسىنىڭ الماتى وبلىسىندا ءوتىپ جاتقان وتىرىسىندا ساياساتكەر حاسەن قوجا احمەت جەردى شەتەلدىكتەرگە جالعا بەرۋگە، قازاقستان ازاماتتارىنا جەكە مەنشىككە ساتۋعا مۇلدەم بولمايتىنىن ايتتى، - دەپ حابارلايدى Qamshy.kz.

«ءبىز جەكەشەلەندىرۋ دەگەندى كوردىك. 90-جىلدارى نەبىر ناۋقان بولدى. ءقازىر دە سونى كورىپ وتىرمىز. بۇگىن ەشبىر شارۋا ءوزى داعدارىستان قينالىپ وتىرعاندا قالاي جەر ساتىپ الادى؟ ساتىپ الا المايدى. ۇكىمەت سونى پايدالانىپ جەردى شارۋالاردان تارتىپ الماقشى. سوسىن قىتايعا، باسقاعا بەرمەكشى. سول سەبەپتەن جەردى شەتەلگە جالعا بەرۋ، ساتۋ دەگەندى قويۋ كەرەك. جەر تەك قازاقستان ازاماتتارىنا جالعا بەرىلۋى كەرەك»، - دەيدى حاسەن قوجا احمەت.

سونداي-اق، ول ءاربىر قازاقستاندىقتىڭ جەرگە ۇلەسى ساقتالۋى قاجەتتىگىن، كەز-كەلگەن ازاماتتىڭ جەر پايدالانۋعا مۇمكىندىك بەرۋ كەرەكتىگىن ايتادى.