الداعى ونجىلدىقتا مۇناي مەن گازعا دەگەن سۇرانىس تومەندەمەيدى، - دەيدى قازاقستان پرەزيدەنتى نۇرسۇلتان نازاربايەۆ
XX پەتەربۋرگ حالىقارالىق ەكونوميكالىق فورۋمىنىڭ پلەنارلىق جيىنىندا.
«ساۋد ارابياسى مۇناي ءوندىرىسىن امەريكالىق مۇنايشىلاردى ىعىستىرۋ ءۇشىن ءۇشىن ارتتىرىپ وتىر ما، الدە يراننىڭ ءىرى رەسۋرسقا قولى جەتپەۋى ءۇشىن بە، قالاي دەپ ويلايسىز؟ بۇل جالپى، قانشالىقتى جۇزەگە استى؟ بولاشاقتا مۇناي باعاسى قالاي بولماق؟»، دەپ سۇرادى جيىندا مودەراتور CNN جۇرگىزۋشىسى فاريد زاكاريا قازاقستان پرەزيدەنتىنەن.
ەلباسى بۇل سۇراققا: «جيىنعا مۇناي سالاسىنداعى ءىرى كومپانيا «ەكسون ءموبيلدىڭ» باسشىسى رەكس تيللەرسون قاتىسىپ وتىر، مۇنى سول كىسىدەن سۇراۋ كەرەك»، دەپ ءازىل ارالاستىرا جاۋاپ بەردى دە، سۇراققا قاتىستى ءوز پىكىرىن ايتتى.
«ءبىز بۇگىن رەكس تيللەرسون مىرزامەن كەزدەسىپ، وسى توڭىرەگىندە سويلەستىك. مەن ونىڭ پىكىرىن قولدايمىن، بۇگىنگى تاڭدا مۇناي باعاسى 50 دوللاردىڭ اينالاسىندا. مۇمكىن، بۇل وبەكتيۆتى شىندىق. ال، ەندى ساۋد ارابياسى امەريكالىق مۇنايشىلاردى ىعىستىرىپ جاتىر دەگەن تاقىرىپ - ساراپشىلاردىڭ ماسەلەسى. بۇگىن ولار ءبىر نارسەنى ايتادى. ءقازىر ساراپشىلار پىكىرىن وقىعىڭ دا كەلمەيدى. ويتكەنى، ەرتەڭ مۇلدە باسقا دەيدى. مەنىڭشە، ءبىز پىكىرلەرىنە سۇيەنەتىن ەكونوميستەر، قارجىگەرلەر ءقازىر شاتاسىپ قالدى. سوندىقتان، قازىرگى ءجۇرىپ جاتقان داعدارىسقا ەشكىم ناقتى باعا بەرە المايدى. فاكت - ول فاكت. مەن بۇگىنگى باياندامامدا، باعالاردىڭ قۇلدىراۋىنان بارلىعى دا ۇتىلعانىن ايتتىم. يمپورتتاۋشىلار دا ۇتىلدى، ەكسپورتقا شىعارۋشىلاردىڭ ۇتىلعانى بەلگىلى.
ارينە، دامۋشى ەلدەر ۇتىلدى. جالپى، بۇل بارلىعىمىزعا قاتىستى. سوندىقتان، پەتەربۋرگ فورۋمىنىڭ تاقىرىبىن شىنايىلىققا بۇرۋ كەرەك. شىندىق - ول قازىرگى قالىپتاسقان باعا. جامان با؟ ءيا، جامان. ءبىراق، بارلىق جاماندىقتىڭ دا جاقسى جاعى بار. ءقازىر ءبىزدىڭ ەلدەرىمىز ءوندىرىستى دامىتۋعا، يندۋستريالاندىرۋ مەن وزگە سالالاردى وركەندەتۋدى قولعا الدى» - دەدى قازاقستان پرەزيدەنتى.
