پارلامەنت ءماجىلىسىنىڭ ءتوراعاسى باقتىقوجا ىزمۇحامبەتوۆ، استانا قالاسىنىڭ اكىمى ادىلبەك جاقسىبەكوۆ، پرەزيدەنت اكىمشىلىگىنىڭ باسشىسى نۇرلان نىعماتۋللين قازىرگى لاۋازىمدارىن تاپسىرۋى مۇمكىن، - دەپ حابارلايدى Qamshy.kz «كاپيتال» اقپارات ورتالىعىنا سىلتەمە جاساپ.
اقپارات ورتالىعىنىڭ دەرەككوزىنىڭ ايتۋىنشا، جاقىن كۇندەرى 2014 جىلعى قازاندا استانا اكىمدىگىنە تاعايىنداعان ادىلبەك جاقسىبەكوۆ پرەزيدەنت اكىمشىلىگى باسشىلىعىنا بارىپ، باقتىقوجا ىزمۇحامبەتوۆ ءماجىلىس ءتوراعاسى لاۋازىمىن 2014 جىلدان بەرى پرەزيدەنت اكىمشىلىگىنە جەتەكشىلىك ەتىپ كەلە جاتقان نۇرلان نىعماتۋللينگە تاپسىرىپ بەرەتىن كورىنەدى. دەرەككوز ب. ىزمۇحامبەتوۆ دەپۋتاتتىق مانداتىن ساقتاي وتىرىپ، الدەبىر ارداگەرلەر ۇيىمىنىڭ باسشىلىعىنا سايلانادى ەكەن.
وسى ورايدا، ءا. جاقسىبەكوۆتىڭ 2004-2008 جىلدارى پرەزيدەنت اكىمشىلىگىن باسقارعانى مەن ن. ءنىعماتۋليننىڭ 2012-2014 جىلدارى ءماجىلىس سپيكەرلىگىن اتقارعانىن ايتا كەتكەن ءجون.
