پرەزيدەنت جارلىعىمەن بۇرىنعى ينۆەستيسيا جانە دامۋ ءمينيسترى اسەت يسەكەشيەۆ استانا قالاسىنىڭ اكىمى بولىپ تاعايىندالدى، - دەپ حابارلايدى Qamshy.kz.

ەستەرىڭىزگە سالساق، استانانىڭ بۇرىنعى اكىمى ادىلبەك جاقسىبەكوۆ پرەزيدەنت اكىمشىلىگىنىڭ باسشىسى بولىپ تاعايىندالسا، ن. نىعماتۋللين پرەزيدەنت اكىمشىلىگىنىڭ جەتەكشىسى لاۋازىمىنان بوساپ، «نۇر وتان» پارتياسى اتىنان ءماجىلىس دەپۋتاتى بولىپ تىركەلدى. ن. نىعماتۋللين بۇعان دەيىن قاراعاندى وبلىسىنىڭ اكىمى، «نۇر وتان» حدپ ءتوراعاسىنىڭ ءبىرىنشى ورىنباسارى، ءماجىلىس سپيكەرى سىندى لاۋازىمداردى اتقارعان بولاتىن.

ال، ءماجىلىستىڭ بۇرىنعى ءتوراعاسى ب. ىزمۇحامبەتوۆ «ارداگەرلەر ۇيىمى» رقب جەتەكشىلىگىنە سايلاندى.

يسەكەشيەۆ اسەت ورەنتاي ۇلى 1971 جىلى 17 تامىزدا قاراعاندى قالاسىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىنىڭ، ق ر پرەزيدەنتى جانىنداعى مەملەكەتتىك باسقارۋ جوعارى مەكتەبىنىڭ تۇلەگى.

ءار جىلدارى يندۋستريا جانە ساۋدا ۆيسە-مينيسترى، «قازىنا» تۇراقتى دامۋ قورى» اق باسقارما ءتوراعاسىنىڭ ورىنباسارى، پرەزيدەنت كومەكشىسى، يندۋستريا جانە ساۋدا ءمينيسترى، پرەمەر-مينيستردىڭ ورىنباسارى، ينۆەستيسيا جانە دامۋ ءمينيسترى لاۋازىمدارىن اتقارعان.