بۇگىن ماجىلىستەگى «نۇر وتان» پارتياسى فراكسياسىنىڭ وتىرىسىندا پرەزيدەنت نۇرسۇلتان نازاربايەۆ نۇرلان ءنىعماتۋليننىڭ كانديداتۋراسىن پالاتا ءتوراعالىعىنا ۇسىندى، - دەپ حابارلايدى Qamshy.kz.
فراكسيا مۇشەلەرى ن. نىعماتۋللين كانديداتۋراسىن ءبىر اۋىزدان قولدادى. ەندى ماجىلىستەگى بارلىق ءۇش پارتيا دەپۋتاتتارى پالاتانىڭ جالپى وتىرىسىندا پالاتا سپيكەرىنىڭ كانديداتۋراسىنا داۋىس بەرەتىن بولادى.
ەستەرىڭىزگە سالساق، بۇگىن ن. نىعماتۋللين پرەزيدەنت اكىمشىلىگىنىڭ جەتەكشىسى لاۋازىمىنان بوساپ، «نۇر وتان» پارتياسى اتىنان ءماجىلىس دەپۋتاتى بولىپ تىركەلدى. ن. نىعماتۋللين بۇعان دەيىن قاراعاندى وبلىسىنىڭ اكىمى، «نۇر وتان» حدپ ءتوراعاسىنىڭ ءبىرىنشى ورىنباسارى، ءماجىلىس سپيكەرى سىندى لاۋازىمداردى اتقارعان بولاتىن.
ال، ءماجىلىستىڭ بۇرىنعى ءتوراعاسى ب. ىزمۇحامبەتوۆ «ارداگەرلەر ۇيىمى» رقب جەتەكشىلىگىنە سايلاندى.
