1 شىلدەدەن باستاپ شەتەلدىك تەلەارنالار ەفيرىندە جارناما كورسەتىلۋىنە سالىنعان تىيىم كۇشىنە ەنەدى، - دەپ حابارلايدى Qamshy.kz. بۇل تۋرالى ەلىمىزدىڭ اقپارات جانە كوممۋنيكاسيا ءمينيسترى داۋرەن ابايەۆ ءوزىنىڭ فەيسبۋكتەگى پاراقشاسىندا مالىمدەدى.

«ەستەرىڭىزدە بولسا، بۇل زاڭ 2015 جىلعى قازان ايىنىڭ سوڭىندا قابىلدانىپ، 2016 جىلعى 1 قاڭتاردان باستاپ قولدانىسقا ەنۋى قاجەت ەدى.
الايدا، كابەلدىك وپەراتورلار تاراپىنان نورمانىڭ ىسكە اسىرىلۋ مەرزىمىن ۇزارتۋعا قاتىستى كوپتەگەن وتىنىشتەر ءتۇسىپ، مەملەكەت كابەلدىك وپەراتورلاردىڭ جاعدايىن ءتۇسىنىپ، دايىندىق ۋاقىتىنا جارتى جىل بەردى.
وسى ۋاقىتتىڭ ىشىندە شەتەلدىك تەلەارنالارمەن تىكەلەي كەلىسسوزدەر جۇرگىزىلدى. ولاردىڭ كەيبىرەۋى ءقازىردىڭ وزىندە جارناماسىز كونتەنتتى ۇسىنىپ وتىر. بۇعان Viasat توبىنىڭ رەيتينگىلىك ارنالارىن (TV 1000، Explore، History، Viasat Sport جانە ت.ب.) مىسالعا كەلتىرۋگە بولادى»، - دەپ جازادى مينيستر.

مينيستر سونداي-اق، زاڭ تالابىن ورىنداۋ ماقساتىندا ەلدەگى كابەلدىك وپەراتورلاردىڭ دا ءبىرقاتار جۇمىس اتقارعانىن ايتادى.

«Discovery كومپانياسىمەن جۇرگىزىلگەن كەلىسسوزدە دە ءبىز ءتيىمدى ناتيجەلەرگە قول جەتكىزدىك، ياعني وسى كومپانياعا قاراستى 15 ارنانىڭ 13ء-ى ءبىزدىڭ ەلىمىزدىڭ زاڭىن ورىنداۋ ءۇشىن ءتيىستى تەحنيكالىق جابدىقتامانى ساتىپ الدى. قالعان ەكى ارنا قازاقستان ءۇشىن ارنايى بولەك نۇسقالارىن شىعاراتىن بولادى.
وسىعان قوسا، جاقىن ارادا قازاقستاندا Discovery-دىڭ وكىلدىگى اشىلادى.
باسقا شەتەلدىك ارنالارعا كەلەتىن بولساق، «قازتەلەراديو»، «قازاقتەلەكوم»، «الماتۆ» سەكىلدى ەلىمىزدىڭ ءىرى كابەلدىك وپەراتورلارى ەفيردەن جارناماسى الىپ تاستالىنعان شەتەلدىك تەلەارنالار سيگنالىن جەڭىلدىكپەن باسقا وپەراتورلارعا ۇسىنۋعا دايىن»، - دەيدى داۋرەن ابايەۆ.

ءمينيستردىڭ ايتۋىنشا، «شاعىن ابونەنتتىك بازالارى بار كابەلدىك وپەراتورلار بولسا 1 شىلدەدەن باستاپ وتاندىق زاڭنامانىڭ نورمالارىن ورىندامايتىن ارنالاردى وشىرۋگە نەمەسە اۋىستىرۋعا مىندەتتەلەتىن» كورىنەدى.

قازىرگى تاڭدا تەحنيكالىق جاعىنان دا، كەلىسسوزدەر تاراپىنان دا جەكەلەگەن قيىنشىلىقتار بار. الايدا، مينيسترلىك زاڭنىڭ بارىنشا قاتاڭ ورىندالۋىن جانە قازاقستاندىق كورەرمەندەرگە ەشقانداي زيان كەلتىرمەۋ ءۇشىن بارلىق جاعداي جاساماق.

«بۇگىندە ءارتۇرلى كابەلدى جەلىلەر ارقىلى 150 تەلەارنانى كورىپ وتىرمىز، ونىڭ ىشىندە 70% - شەتەلدىك. ولارعا ەلىمىزدىڭ «تەلەراديوحابار تاراتۋ تۋرالى»، «ءتىل تۋرالى»، «جارناما تۋرالى» زاڭدارىندا قاراستىرىلعان كوپ شەكتەۋلەر قويىلمايدى. بۇنداي جاعداي وتاندىق تەلەارنالار مەن شەتەلدىك تەلەارنالار اراسىندا تەڭسىزدىك ورناتۋدا.

بۇدان باسقا، كوپتەگەن شەتەلدىك ارنالاردا ليسەنزيالاۋ مەن سەرتيفيكاتتاۋدان وتپەگەن نەمەسە قازاقستان نارىعىندا تىيىم سالىنعان تاۋارلار مەن قىزمەتتەردىڭ جارناماسى (مىسالى ىشىمدىكتىڭ) كورسەتىلەدى.
وسىلايشا، وتاندىق ارنالار جارنامالىق نارىق قاراجاتىنىڭ قوماقتى بولىگىن الا الماعان. بۇل اقشاعا وتاندىق تەليەۆيزيانىڭ جاعدايىن جاقسارتىپ، ينفراقۇرىلىمدى دامىتىپ، قىزىقتى ءارى ساپالى قازاقستاندىق باعدارلامالار، فيلمدەر، سەريالدار مەن شوۋلار جاساۋعا بولار ەدى.

ءبىز جۇرگىزىپ وتىرعان ساياسات تۇسىنىستىك تاۋىپ، قازاقستاندىقتاردىڭ قولداۋىنا يە بولاتىنىنا، جاقىن ارادا جاعىمدى ناتيجە بەرەتىنىنە سەنىمدىمىن»، - دەپ جازادى د. ابايەۆ.