قازاقستان بلوەھگەرلەرى اليانسىنىڭ جەتەكشىسى عالىم بايتوق قازاقستاندىقتاردى كەلەر جىلى وتەتىن «استانا EXPO-2017» حالىقارالىق كورمەسىنىڭ بيلەتتەرىن ساتىپ الماۋعا شاقىردى، - دەپ حابارلايدى Qamshy.kz.

بلوگەر بۇل تۋرالى ءوزىنىڭ فەيسبۋكتەگى پاراقشاسىندا مالىمدەدى.

«ادامدار! سىزدەر EXPO-2017 بيلەتتەرىن نە ءۇشىن ساتىپ الىپ جاتىرسىزدار؟ بىرىنشىدەن، ۇيىمداستىرۋشىلار بىزدە بيلەت ساتۋمەن اينالىساتىن لايىقتى كومپانيا جوقتاي كورمە بيلەتتەرىن ساتۋدى رەسەيلىك كومپانياعا تاپسىردى. ەكىنشىدەن، قاشانعى حالىقتىڭ قالتاسىنان كۇن كورۋگە بولادى؟ ونسىز دا قانشاما حالىق اقشاسى وسى قۇرىلىسقا كەتتى، قانشاماسى جەمقورلاردىڭ قالتاسىندا قالدى. ەندى ونىمەن قويماي حالىق ول كورمەگە تاعى بيلەت الۋى كەرەك پە؟ » ۇشىنشىدەن، قايدا اسىعاسىزدار؟ وسى جەردە ءوزىمىزدىڭ ءداستۇرلى «ساتىپ العاندا سوڭىنان بار» قاعيداسىن ىسكە قوسىڭىزدار. مۇندا ستارباكسكە تۇرعانداي كەزەك بولمايتىنىنا سەندىرەمىن. ەڭ باستىسى، شەتەلدىكتەر بيلەت ساتىپ السا ءبىر ءجونى، ال، جوعارىدا ايتىلعانداردى ەسكەرسەك، ءقازىر كىم بيلەت ساتىپ السا، ول قاتتى الدانادى»، - دەپ جازادى ع. بايتوق.