مەملەكەت باسشىسى نۇرسۇلتان نازاربايەۆ اۋعانستان يسلام رەسپۋبليكاسىنىڭ پرەزيدەنتى موحامماد اشراف عانيمەن كەزدەستى، - دەپ حابارلايدى Qamshy.kz اقوردانىڭ باسپا ءسوز قىزمەتىنە سىلتەمە جاساپ.
كەزدەسۋ بارىسىندا مەملەكەتتەر باسشىلارى ەكىجاقتى ءوزارا ءىس-قيمىلدىڭ نەگىزگى ماسەلەلەرىن، ونىڭ ىشىندە ساۋدا-ەكونوميكا سالاسىنداعى ءوزارا ءتيىمدى ىنتىماقتاستىق اياسىن كەڭەيتۋ پەرسپەكتيۆالارىن تالقىلادى.+
بۇدان بولەك، ەكى ەل كوشباسشىلارى وڭىرلىك جانە حالىقارالىق كۇن تارتىبىندەگى ءبىرقاتار وزەكتى جايتتار جونىندە پىكىر الماستى.
نۇرسۇلتان نازاربايەۆ مۇسىلماندار ءۇشىن قاسيەتتى رامازان ايىندا ءوتىپ وتىرعان كەزدەسۋدىڭ ماڭىزدىلىعىنا توقتالدى.
– ءسىزدىڭ استاناعا ساپارىڭىزدىڭ قورىتىندىسى بويىنشا ءبىرقاتار ماڭىزدى كەلىسىمدەر جاسالدى. قول جەتكىزىلگەن ۋاعدالاستىقتار اياسىندا قازاقستان ءسىزدىڭ ەلگە استىق جەتكىزەدى. سونىمەن قاتار، وسى جىلى كابۋلدا ۇكىمەتارالىق كوميسسيانىڭ وتىرىسى بولادى. وندا ەلدەرىمىزدىڭ ەكونوميكالىق ىنتىماقتاستىعىن ودان ءارى نىعايتۋ جولدارى قاراستىرىلادى، – دەدى قازاقستان پرەزيدەنتى.
م.عاني نۇرسۇلتان نازاربايەۆتى الدا كەلە جاتقان ورازا ايت مەرەكەسىمەن قۇتتىقتادى.
– قازاقستان اۋعانستاننىڭ ماڭىزدى ساۋدا سەرىكتەسى بولىپ سانالادى. ءبىز دە ۇكىمەتارالىق كوميسسيانىڭ الداعى وتىرىسىنان زور ءۇمىت كۇتەمىز، – دەدى اۋعانستان پرەزيدەنتى.
ەستەرىڭىزگە سالساق، وزبەكستاندا شانحاي ىنتىماقتاستىق ۇيىمى ەلدەرى باسشىلارىنىڭ باس قوسۋى وتۋدە.
