قاراعاندى وبلىسىندا كۇيدىرگى دەرتىن جۇقتىرىپ كوز جۇمعان 2 ادام بۇگىن جەر قوينىنا بەرىلدى، - دەپ حابارلايدى Qamshy.kz كتك ارناسىنا سىلتەمە جاساپ.
ولار مىرىش تابىتتارمەن استى-ۇستىنە حلور توسەلىپ كومىلگەن. ەندى ماماندار ەركىندىك اۋىلىندا اۋرۋ تاراتۋى مۇمكىن قاڭعىعان يت پەن مىسىقتى اۋلاۋدى باستادى.
ال اۋرۋ مالدىڭ ەتى تاراعان 13 ءۇيدىڭ ءىشى مەن قورا- قوپسىسى تەگىس زالالسىزداندىرىلعان. ءتىپتى 90 كەلىدەن اسا كورپە توسەك، جايالىقتارى دا بىرنەشە رەت ارنايى قوسپالارمەن جۋىلعان. ەندى ۆەتەرينارلار اۋىلداعى كەسەل جۇقتىرۋى مۇمكىن بۇرالقى يت- مىسىقتاردىڭ كوزىن تەگىس جويماق. بۇل ءۇشىن اۋىلعا كەسەلدى جۇقتىرعان جانۋارلاردىڭ كۇلىن دە قالدىرماي ورتەيتىن ارنايى تەحنيكا جەتكەن. ەستەرىڭىزگە سالساق، سويىلعان اۋرۋ مال ەتىنەن كۇيدىرگى دەرتىن اۋىلدىڭ 9 ادامى جۇقتىرعان. ونىڭ 2ء-ۋى كوز جۇمسا، قالعان 7ء-ۋى ەم الىپ جاتىر. جالپى ەركىندىك اۋىلىنىڭ 70 تۇرعىنى ءقازىر دارىگەرلەردىڭ باقىلاۋىندا. كارانتين جاريالانىپ اۋىلعا كىرىپ-شىعۋعا شەكتەۋ قويىلدى.
