ۇلىبريتانيانىڭ ەو-عا مۇشەلىگى تۋرالى رەفەرەندۋمدا وكرۋگتەردىڭ جالپى سانىنىڭ جارتىسىنان استامىنا جۇرگىزىلگەن ساناقتان كەيىن Brexitء-تى جاقتاۋشىلار باسىمدىققا يە بولىپ وتىر، - دەپ حابارلايدى Qamshy.kz.

ۇلىبريتانيا ەو-عا مۇشە بولىپ قالۋ-قالماۋى انىقتالاتىن رەفەرەندۋمدا داۋىس بەرۋ اياقتالدى، سايلاۋ ۋچاسكەلەرى تۇگەلدەي جابىلدى.

ەسەپتەۋ قورىتىندىسى بويىنشا  382 وكرۋگتىڭ 175-ىندە  داۋىس بەرۋشىلەردىڭ 51،3%-ى شىعۋدى قولداپ داۋىس بەرسە، 48،7%ء-ى قارسىلىق تانىتقان.

قوعامدىق پىكىرگە جۇرگىزىلگەن ساۋالنامالاردىڭ كوپشىلىگى ۇلىبريتانيانىڭ ەۋرووداقتاعى مۇشەلىگىنە قارسىلار مەن جاقتاۋشىلار شامالاس ەكەنىن دالەلدەپ وتىر.

ۇلىبريتانيانىڭ ەۋرووداقتان شىعۋىن شەففيلد، بلەكپۋل جانە گوسپورت، ميلتون كينس سەكىلدى تۇلعالار جاقتاپ وتىر. ەلدىڭ ەڭ ءىرى قالالارىندا ەسەپتەۋ ءالى دە جالعاسۋدا.

ەسكە سالا كەتەيىك، كەشە ۇلىبريتانيانىڭ ەو-دان شىعۋ ماسەلەسى جونىندە رەفەرەندۋم باستالدى. ساراپشىلار ەگەر  شىعۋدى جاقتاۋشىلار سانى باسىم ءتۇسىپ، شەشىم قابىلداناتىن بولسا، وندا Brexitء-تىڭ ىقتيمال سالدارىن بولجاۋعا دا كىرىسىپ كەتتى.