كولىك تۇراعىنا تەمىر تۇلپارىڭىزدى قويىپ، اقىسىن تولەمەسەڭىز، جاۋاپكەرشىلىككە تارتىلىپ، 6 مىڭ تەڭگەدەن استام ايىپپۇل تولەيسىز! قالا بيلىگى الماتى كوشەلەرىنە پاركوماتتار ورناتىپ، تۇراقتارداعى جاعدايدى رەتتەۋ ءۇشىن وسى ماسەلەنى مىقتاپ قولعا الىپتى، - دەپ حابارلايدى Qamshy.kz 31 ارناعا سىلتەمە جاساپ. 

الايدا  ازىرگە ءبىر كوشەگە 3-اق  تەرمينال ورناتىلىپ، ونىڭ ەكەۋى ءجيى ىستەن شىعادى ەكەن. ال ەل جالعىز پاركوماتتىڭ الدىنا كەلىپ كەزەككە تۇرۋعا ءماجبۇر.

«كوك بازاردىڭ» كولىك تۇراعىندا «كوك» جەيدە كيىپ جۇرەتىن جىگىتتەر كەشەلى بەرى كورىنبەيدى. جۇرت تەمىر تۇلپارلارىن تەگىن تۇراققا قوياتىن بولدىق دەپ قۋانىپ ءجۇر ەدى، ءبىراق بۇل قۋانىشتارى كوپكە سوزىلمادى. تۇراقتىڭ اقىسىن ەندى تۇراق قىزمەتكەرلەرى ەمەس، مىنا پاركوماتتار قابىلدايدى ەكەن.  كەشە عانا ىسكە قوسىلعان بۇل تەرمينالدار، بۇگىن  جۇرتتى جالىقتىرىپ ۇلگەرگەن.

وسىلاي دەگەن جۇرگىزۋشىلەر  تۇراقتىڭ اقىسىن قالاي تولەۋ كەرەك ەكەنىن تۇسىنە الماي ءبىراز ابىگەرگە ءتۇستى.  ال مىنا جىگىتتەردىڭ جاعدايدى اربىرىنە جەكە-جەكە تاپتىشتەپ تۇسىندىرگۋە  ۋاقىتارى دا، شىدامدارى دا جەتپەدى.

- كولىكتەرىن اقىلى تۇراققا قويعاننان كەيىن ءاربىر جۇرگىزۋشى مىنانداي پاركوماتتاردىڭ قاسىنا كەلىپ كەلەسى  وپەراسيالاردى جۇزەگە اسىرۋى ءتيىس: ەڭ اۋەلى جۇرگىزۋشى ءوز كولىگىنىڭ مەملەكەتتىڭ ءنومىرىن وسى تەرمينالعا تەرىپ تىركەۋى كەرەك. ودان كەيىن اقىسىن تولەۋگە مىندەتتى. العاشقى 15 مينۋت تەگىن. 1 ساعاتى 100 تەڭگە.  تۇراققا اقىسىن تولەمەيتىن بولساڭىز 3 اەك كولەمىندە ايىپپۇل ارقالايتىن بولاسىز.  مۇنداي پاركوماتتار قالامىزدىڭ ازىرگە ءبىر كوشەسىندە عانا ورنالاسقان. ولاردىڭ سانى ءقازىر ۇشەۋ. ال شىلدەنىڭ سوڭىنا دەيىن مۇنداي تەرمينالدار مەگاپوليستەگى 9 ءىرى كوشەدە پايدا بولادى.

اتاپ ايتساق، نۇرلىتاۋ بيزنەس ورتالىعى، ساۋدا قاقپاسى اتانعان «باراحولكا» ماڭىندا پاركوماتتار پايدا بولادى. سونىمەن قاتار دوستىق داڭعىلىندا، گوگول كوشەسى، جىبەك جولى، پۋشكين جانە ماقاتيەۆ كوشەلەرىندە ءدال وسىنداي تەرمينالدار ورناتىلادى. جاعدايدى قالا اكىمشىلىگى جانە ،قۇزىرلى ورگاندار ءجىتى باقىلاۋعا الىپتى. ەگەر ادەيى اقى تولەمەي كەتسەڭىز اكىمىشلىك جاۋاپكەرشىلىككە تارتىلىپ، 6363 تەڭگە تولەيسىز.