كەشە 23 ماۋسىمى كۇنى قازاقستان مەن جۇڭگو اراسىنداعى مەملەكەتتىك شەكارادا ورنالاسقان «قورعاس» باقىلاۋ-وتكىزۋ بەكەتىنىڭ شەكاراشىلارى ۇيالى تەلەفونداردى شەكارا ارقىلى زاڭسىز الىپ وتۋگە تىرىسقان ەكى ازاماتشانى ۇستادى، - دەپ حابارلايدى Qamshy.kz ق ر ۇقك شق باسپا ءسوز قىزمەتىنە سىلتەمە جاساپ.

ءبىرىنشى جاعدايدا، تۇنگى 23 ساعات 48 مينۋتتا 1969 جىلى تۋعان جولعايەۆا ەسىمدى ازاماتشا ۇستالىپ، ونىڭ جۇكتەرىنىڭ اراسىنا جاسىرىلعان 47 دانا ۇيالى تەلەفون تابىلدى.

ارادا 5 مينۋت وتكەندە شەكارالىق تەكسەرۋگە كەلگەن 1970 جىلعى بوردييەۆا ەسىمدى ازاماتشانىڭ دا جۇكتەرىنىڭ اراسىنان ءتيىستى قۇجاتتارى جوق 50 دانا ۇيالى تەلەفون شىعا كەلدى.

اتالعان ەكى ايەل دە قازاقستان ازاماتشالارى بولىپ شىقتى.

ۇستاۋ دەرەكتەرىنە قاتىستى ماتەريالدار «التىنكول» كەدەن بەكەتىنىڭ قىزمەتكەرلەرىنە تاپسىرىلدى.