ۇلىبريتانياداعى ەو قۇرامىنان شىعۋ تۋرالى رەفەرەندۋم اياقتالدى - دەپ حابارلايدى Qamshy.kz.
ۇيىم قۇرامىنان شىعۋدى جاقتاعاندار سانى جالپى رەفەرەندۋمعا قاتىسقانداردىڭ 52 پايىزىن قۇراعان.
رەفەرەندۋمعا سايلاۋشىلاردىڭ 71،8 پايىزى – 30 ميلليونعا جۋىق ادام قاتىسقان. لوندون مەن شوتلانديا تۇرعىندارى ەو قۇرامىندا قالۋدى قولداپ داۋىس بەرسە، انگليانىڭ لوندوننان تىسقارى ايماقتارى مەن ۋەلس حالقى كەرىسىنشە ۇيىم قاتارىنان شىعۋدى جاقتاعان.
ەستەرىڭىزگە سالساق، 23 ماۋسىمدا ۇلىبريتانيادا ەو-عا مۇشەلىك تۋرالى رەفەرەندۋم ءوتتى. ەل تۇرعىندارى «بىرىككەن كورولدىك ەۋروپالىق وداق قۇرامىندا قالۋى كەرەك پە؟» دەگەن ساۋال ارقىلى ەلدىڭ سىرتقى ساياساتتاعى نەگىزگى ۆەكتورىن انىقتادى.
وسى رەتتە رەفەرەندۋم ناتيجەسىن ورىنداۋ ۇكىمەتتىڭ ەركىندەگى ماسەلە ەكەندىگىن دە ايتا كەتۋ كەرەك. الايدا، وسى رەفەرەندۋمدى وتكىزۋ باستاماسىنىڭ ءوزى وداق قۇرامىندا قالۋدى قولداعان پرەمەر-مينيستر د. كەمەرونعا تيەسىلى بولاتىن.
