بايلانىس جانە اقپارات قىزمەتكەرلەرى كۇنى قارساڭىندا «نۇر وتان» پارتياسىنىڭ ورتالىق اپپاراتىندا جۋرناليستەر اراسىنداعى ءداستۇرلى «نۇر سۇڭقار» رەسپۋبليكالىق بايقاۋىنىڭ جەڭىمپازدارىن ماراپاتتاۋ سالتاناتى بولىپ ءوتتى، - دەپ حابارلايدى Qamshy.kz.

قازاقستان رەسپۋبليكاسىنىڭ العاشقى باسپا جانە بۇقارالىق اقپارات ءمينيسترى، ق ر پارلامەنتى ءماجىلىسىنىڭ دەپۋتاتى قۋانىش سۇلتانوۆ ءتوراعالىق ەتكەن ارنايى قۇرىلعان كوميسسيا ءبىر اي كولەمىندە بايقاۋعا ءتۇرلى جانرداعى، اتاپ ايتقاندا، وچەرك، سۇحبات، ماقالا، تەليەۆيزيالىق جانە راديوباعدارلامالار، جۋرناليستىك زەرتتەۋ، سونداي-اق، جاريالانىمدار مەن باعدارلامالار سيكلى بويىنشا ماتەريالدار قابىلدادى. كوميسسيا قۇرامىنا ەلىمىزدىڭ بۇقارالىق اقپارات قۇرالدارىنىڭ ەڭ بەدەلدى وكىلدەرى كىرگەن.

بايقاۋعا قاتىسۋ ءۇشىن جۋرناليستەردىڭ ەلباسى، «نۇر وتان» پارتياسىنىڭ ءتوراعاسى ن.ءا.نازاربايەۆتىڭ الدىمىزعا قويعان مىندەتتەرى مەن بەرگەن تاپسىرمالارىنىڭ جۇزەگە اسۋ بارىسىنا،«قازاقستان-2050» ستراتەگياسىنىڭ باسىمدىقتارىنا، «نۇر وتان» پارتياسى دوكتريناسىنىڭ قاعيدالارىنا جانە پارتيا باستامالارىنا ارنالعان جۇمىستارى قابىلداندى.

بيىل «نۇر سۇڭقار» بايقاۋىنا قاتىسۋ ءۇشىن رەسپۋبليكالىق جانە ايماقتىق بۇقارالىق اقپارات قۇرالدارىنان 230-دان استام ءوتىنىش كەلىپ ءتۇستى. ولاردىڭ ىشىنەن 83 جۇمىس ىرىكتەۋدەن ءوتتى.

«الەم. ءححى عاسىر» مانيفەسىن جۇزەگە اسىرۋعا قوسقان ۇلەسى ءۇشىن» اتالىمى بويىنشا سىيلىققا «رگ «كازاحستانسكايا پراۆدا» اق باسقارما ءتوراعاسىنىڭ ورىنباسارى تاتيانا كوستينا يە بولدى.

«نۇر وتان» پارتياسىنىڭ جۇمىسى جونىندەگى ەڭ ۇزدىك ماتەريالعا ارنالعان سىيلىق «24.KZ» تەلەارناسىنداعى «سۇحبات» باعدارلاماسىنىڭ اۆتورى جانە جۇرگىزۋشىسى ەرلان يگىسىنوۆكە بەرىلدى.

ۇزدىك تەليەۆيزيالىق جۋرناليستەرگە بەرىلەتىن «ەرەكشە پىكىر» اتالىمىنا بىردەن ەكى ۇمىتكەر لايىق دەپ تانىلدى. ولار – «حابار» اگەنتتىگى ساراپتامالىق باعدارلامالار ءبولىمىنىڭ كوررەسپوندەنتى ايگۇل ءادىلوۆا مەن «قازاقستان» تەلەارناسىنىڭ ارنايى كوررەسپوندەنتى ءالىمجان يساباي.

«ءسوز شەبەرى» اتالىمى بويىنشا ۇزدىك جۋرناليست رەتىندە «ايقىن» گازەتىنىڭ رەداكتورى بەيسەن تاجىبايەۆ جەڭىمپاز اتاندى. «قوعام ءۇنى» اتالىمىندا ۇزدىك راديوجۋرناليست اتاعى «وردا FM» راديوسىنىڭ تەلەارناسىنىڭ ارنايى كوررەسپوندەنتى ەرلان سيسەنوۆكە بەرىلدى.

«ايماق ايناسى» اتالىمى بويىنشا جەڭىس «ەگەمەن قازاقستان» گازەتىنىڭ جامبىل وبلىسىنداعى مەنشىكتى ءتىلشىسى ورالحان داۋىتوۆكە بۇيىردى.

اقپارات اگەنتتىگىنىڭ ۇزدىك جۋرناليسىنە بەرىلەتىن «مەديا-پروفي» اتالىمىنا NUR.kz سايتىنىڭ ءتىلشىسى يۋليا ابراموۆا لايىق دەپ تانىلدى. «كوزقاراس» اتالىمى بويىنشا ۇزدىك بلوگەرلەر رەتىندە شولپان ءالي مەن قانات اۋەسباي جەڭىسكە جەتتى.

«نۇر سۇڭقار» – پارتيا مەن ب ا ق وكىلدەرى اراسىنداعى ارىپتەستىكتى جانە ىنتىماقتاستىقتى دامىتۋدى كوزدەيتىن قازاقستاننىڭ بارلىق جۋرناليسىنە ارنالعان ءداستۇرلى اشىق بايقاۋ.