بۇگىن استانادا 4 اتالىم بويىنشا «جىلدىڭ ءۇزدiك باسپا ءسوز قىزمەتi» بايقاۋىنىڭ جەڭiمپازدارى ماراپاتتالدى، - دەپ حابارلايدى Qamshy.kz.

ق ر اقپارات جانە بايلانىس قىزمەتكەرلەرi كۇنi قارساڭىندا «قازكونتەنت» اق باس رەداكتورلار كلۋبىمەن بiرiگiپ، ق ر اقپارات جانە كوممۋنيكاسيالار مينيسترلىگى اقپارات كوميتەتىنىڭ قولداۋىمەن قازاقستاننىڭ ءۇزدiك باسپا ءسوز قىزمەتتەرiن ماراپاتتادى. بيىل العاش رەت ۇيىمداستىرىلىپ وتىرعان «2016 جىلدىڭ ءۇزدiك باسپا ءسوز قىزمەتi» رەسپۋبليكالىق بايقاۋىنا مەملەكەتتiك ورگاندار، اكiمدiكتەر مەن ۇلتتىق كومپانيالاردىڭ باسپا ءسوز قىزمەتتەرi مەن باسپا ءسوز حاتشىلارى قاتىستى. 2016 جىلدىڭ 10-21 ماۋسىم ارالىعىندا وتكەن داۋىس بەرۋگە رەسپۋبليكالىق ب ا ق رەداكسيالارى قاتىستى.

داۋىس بەرۋ BNews.kz بازاسىندا «ۇزدىك ورتالىق اتقارۋ ورگانىنىڭ باسپا ءسوز قىزمەتى»، «ۇزدىك جەرگىلىكتى اتقارۋشى ورگاننىڭ باسپا ءسوز قىزمەتى»، «ۇزدىك كۆازيمەملەكەتتىك سالا كومپانياسىنىڭ باسپا ءسوز قىزمەتى»، «كاسىبي قۇرمەت» دەگەن 4 اتالىم بويىنشا جۇزەگە استى.

ماراپاتتاۋ راسىمىندە «ۇزدىك ورتالىق اتقارۋ ورگانىنىڭ باسپا ءسوز قىزمەتى» اتالىمى بويىنشا ق ر قورعانىس مينيسترلىگى جەڭىمپاز اتاندى. وسى اتالىم بويىنشا ەڭ كوپ داۋىس جيناعاندار قاتارىندا ق ر باس پروكۋراتۋراسى مەن ق ر ىشكى ىستەر مينيسترلىگىنىڭ باسپا ءسوز قىزمەتى بار.

ال «ۇزدىك جەرگىلىكتى اتقارۋشى ورگاننىڭ باسپا ءسوز قىزمەتى» اتالىمىندا الماتى قالاسى اكىمدىگىنىڭ باسپا ءسوز قىزمەتى جەڭىسكە جەتتى. وسى اتالىم بويىنشا استانا اكىمدىگى مەن الماتى قالالىق ءىىد باسپا ءسوز قىزمەتتەرى دە كوپ داۋىس جيناعاندار قاتارىنان تابىلدى.

«ۇزدىك كۆازيمەملەكەتتىك سالا كومپانياسىنىڭ باسپا ءسوز قىزمەتى» اتالىمىندا «ەكسپو» ۇلتتىق كومپانياسى» اق باسپا ءسوز قىزمەتى جەڭىمپاز اتاندى. بۇل اتالىم بويىنشا ب ا ق وكىلدەرى سونداي-اق، «قتج» ۇك»اق پەن «بايتەرەك» حولدينگىن جەڭىمپاز دەپ تاپقان ەكەن.

«كاسىبي قۇرمەت» ارنايى اتالىمىندا ق ر باس پروكۋراتۋراسىنىڭ باسپا ءسوز حاتشىسى ەرنۇر ءۋالي جەڭىسكە جەتتى. وسى نوميناسيا بويىنشا ق ر سىرتقى ىستەر مينيسترلىگى باسپا ءسوز قىزمەتىنىڭ باسشىسى ءانۋار جايناقوۆ پەن ق ر ءىىم باسپا ءسوز حاتشىسى الماس سادۋبايەۆتىڭ ەڭبەگى جاندى.

سالتاناتتى ءراسىمنىڭ سوڭىندا «ەڭ وپەراتيۆتى باسپا ءسوز حاتشىسى» اتالىمى بويىنشا ق ر ءىىم توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ ماراپاتتالدى.

بايقاۋدى ۇيىمداستىرۋشىلاردىڭ مالىمەتىنشە، اتالمىش بايقاۋ ەندى جىل سايىن ۇيىمداستىرىلادى. سالتاناتتى راسىمگە ق ر اقپارات جانە كوممۋنيكاسيالار مينيسترلىگى اقپارات كوميتەتىنىڭ وكىلدەرى، باس رەداكتورلار كلۋبىنىڭ پرەزيدەنتى بيبىگۇل جەكسەنباي مەن رەسپۋبليكالىق بۇقارالىق اقپارات قۇرالدارىنىڭ باس رەداكتورلارى قاتىستى.