شىمكەنتتە ايالداما اتىن دۇرىس اتاماعاندارعا ايىپپۇل سالىنادى، - دەپ حابارلايدى Qamshy.kz  "وتىرار" سايتىنا سىلتەمە جاساپ. 

سونداي-اق جارناما ماتىندەرىنىڭ تاقىرىپتىق ماڭىزدىلىعى مەن ساۋاتتىلىعى دا قاتاڭ قاداعالاۋدا بولادى. بۇل تۋرالى «كورنەكتى اقپارات جانە جارناما ماتىندەرىن زاڭ تالاپتارىنا سايكەس رەتتەۋ ماسەلەلەرى» اتتى وبلىستىق سەميناردا بەلىگىلى بولدى. جاۋاپتىلار قاتەگە تولى شيمايلاردى كورگەندە، ۇياتتان باس كوتەرىپ ءجۇرۋ مۇمكىن ەمەس دەپ اشىنىپ وتىر.

ءقازىر قالا كوشەلەرىندەگى جارناما بەتىندەگى ورەسكەل قاتەلەردەن كوز الىپ قاشۋ مۇمكىن ەمەس. جەكە كاسىپكەرلەردىڭ قاراماعىنداعى عيمارات ماڭدايشالارىنداعى جازۋ قاتەلىگى ەشقانداي دا زاڭ اياسىنا سايكەس كەلمەيدى دەيدى جاۋاپتىلار. جينالعاندار ءبىراۋىزدان وسى ولقىلىقتاردىڭ ورىن تولتىرىپ، مەملەكەتتىك تىلدە دۇرىس سويلەپ، دۇرىس جازۋدى تالاپ ەتىپ وتىر.

ەكىنشى ماسەلە قوعامدىق كولىكتە تىلدەرىن بۇراپ سويلەيتىن كوندۋكتورلار تۋراسىندا بولدى. قازاقتىڭ اقيق ادامدارىنىڭ سوڭىنا «ا» جۇرناعىن قوسىپ ايتۋعا تىلدەرى ماشىقتانىپ قالعان. ونىڭ دۇرىس اتالاۋىن ىزدەپ نەمەسە قىزىعۋشىلىق تانىتىپ جاتقان جان جوق. ەندىگى زاڭ جوباسى اياسىندا كوشە اتاۋىن دۇرىس اتاماعان ازاماتقا ايىپپۇل سالىنىپ، 10-20 ايلىق ەسەپتىك كورسەتكىش كولەمىندە اقشا تولەيدى. ول دەگەنىڭىز — 20-40 مىڭ تەڭگە.

ء-بىزدى اسىرەسە قىنجىلتىپ وتىرعانى — احمەت بايتۇرسىنوۆ، دىنمۇحامەد قونايەۆ جانە تۇرار رىسقۇلوۆ سەكىلدى بەلگىلى تۇلعالاردىڭ اتى بەرىلگەن كوشەلەردى ورىسشا ايتۋى. «كۋنايەۆا، رىسكۋلوۆا» دەگەندى كوپ ەستيىمىز. ال وسكەلەڭ ۇرپاق جاستار اسىل ازاماتتاردى ايەل ەكەن دەپ قالادى، - دەيدى وبلىستىق تىلدەردى دامىتۋ، ارحيۆتەر مەن قۇجاتتاما باسقارما باسشىسىنىڭ ورىنباسارى قاسىم اعابەكوۆ.