وڭتۇستىك قازاقستان وبلىسىندا كولىكتىڭ جاياۋ جۇرگىنشى جولىندا ءبىر قىزدى قاعىپ كەتكەن ءساتى كولىكتەگى ۆيدەوتىركەگىشكە تۇسىرىلگەن ۆيدەوجازبا YouTube حوستينگىندە پايدا بولدى، - دەپ حابارلايدى Qamshy.kz.
ۆيدەونى جۇكتەگەن ەر ادام تۇسىندىرمە سوزدەر قوسقان. جول-كولىك وقيعاسى 25 ماۋسىمدا ورداباسى اۋدانىندا بولعان.كادرلاردان قىزدىڭ جاياۋ جۇرگىنشى جولىنان وتپەك بولعانى كورىنەدى. ول جولدىڭ ەكىنشى بەتىنە وتۋگە بىرنەشە قادام قالعاندا، ونى Hyundai ءاۆتوموبيلى سوعىپ كەتەدى. قىز كولىكتىڭ سوققىسىنان جولعا قۇلاپ ءتۇسىپ، جۇرگىزۋشى كولىگىن توقتاتقان.
ەر ادامنىڭ ايتۋىنشا، جۇرگىزۋشى قىزدى كولىگىنە وتىرعىزىپ الىپ، اۋرۋحاناعا اكەتكەن.
