پەتروپاۆلدا 9 جاسار قىز سۋعا باتىپ كەتتى، - دەپ حابارلايدى Qamshy.kz ق ر ءىىم توتەنشە جاعدايلار كوميتەتىنىڭ باسپا ءسوز قىزمەتىنە سىلتەمە جاساپ.

«25 ماۋسىمدا ساعات 11:20-دا پەتروپاۆل قالاسىنىڭ نوۆوپاۆلوۆكا اۋىلىنىڭ «وگونەك» ساياجاي قوعامى اۋدانىندا ەسىل وزەنىنىڭ الابىن قۇتقارۋشىلار كۇزەتپەيتىن جەردە شومىلۋ كەزىندە 2007 جىلى تۋعان قىز سۋعا باتىپ كەتتى»، - دەلىنگەن حابارلامادا.

سول كۇنى قىز ساياجاي قوعامىندا اتاسى مەن اجەسىندە قوناقتا بولىپ، اتاسىمەن بالىق اۋلاۋعا كەتكەن. ءقاۋىپتى جەردە سۋعا شومىلۋ سالدارىنان ولاردىڭ ەكەۋىن دە اعىس الىپ كەتتى، اتاسى سۋدان شىعىپ ۇلگىردى، ال قىز باتىپ كەتتى. ىزدەۋ جۇمىستارىن وبلىستىڭ توتەنشە جاعدايلار دەپارتامەنتىنىڭ، جەدەل-قۇتقارۋ قىزمەتىنىڭ، وبلىس تجد ءورت ءسوندىرۋ جانە اپاتتىق-قۇتقارۋ جۇمىستارى قىزمەتىنىڭ، جەرگىلىكتى پوليسەي قىزمەتىنىڭ كۇشتەرى جۇرگىزۋدە. بارلىعى ەلۋ ادام جۇمىلدىرىلعان.

ىزدەۋ جۇمىستارىن جۇرگىزۋ شتابى قۇرىلدى. توتەنشە وقيعا ورىن العان جەردە اعىستىڭ كۇشتى بولۋى ىزدەستىرۋ جۇمىستارىن قيىنداتۋدا.